Schedule For 2022 CWG Women's T20 Cricket Announced (Image Source: Google)
இங்கிலாந்தின் பர்மிங்ஹாம் நகரில் 2020ஆம் ஆண்டிற்கான காமன்வெல்த் விளையாட்டு போட்டிகள் நடைபெறவுள்ளன. இதில் மகளிர் கிரிக்கெட் அணிகள் விளையாடும் டி20 கிரிக்கெட் போட்டிகளையும் நடத்த காமன்வெல்த் கமிட்டி முடிவு செய்துள்ளது.
அதன்படி எட்டு அணிகள் பங்கேற்கும் இத்தொடர் 2022ஆம் ஆண்டு ஜூலை 29ஆம் தேதி ஆகஸ்ட் 7ஆம் தேதிவரை நடத்தப்படும் என்றும், அனைத்து போட்டிகளும் எட்ஜ்பஸ்டன் மைதானங்களில் நடைபெறும் என்றும் காமன்வெல்த் கமிட்டி அறிவித்துள்ளது.
இத்தொடரின் லீக் ஆட்டங்கள் ஆகஸ்ட் 4ஆம் தேதிவரையும், அரையிறுதி போட்டிகள் ஆகஸ்ட் 6ஆம் தேதியும், இறுதிப்போட்டி மற்றும் வெண்கலப்பதக்கத்திற்கான போட்டிகள் ஆகஸ்ட் 7ஆம் தேதியும் நடைபெறுமென காமன்வெல்த் கமிட்டி அறிவித்துள்ளது.
