INDA vs NZA, 1st ODI: நியூசிலாந்து ஏ அணியை வீழ்த்தி இந்தியா ஏ அணி அபாரா வெற்றி!

நியூசிலாந்து ஏ அணிக்கு எதிரான ஒருநாள் போட்டியில் இந்தியா ஏ அணி 7 விக்கெட் வித்தியாசத்தில் அபார வெற்றி பெற்றது.

Shardul, Kuldeep Helps India A Beat New Zealand A By Seven Wickets In First One-Day Game (Image Source: Google)

நியூசிலாந்து ஏ அணி இந்தியாவில் சுற்றுப்பயணம் செய்து ஆடிவருகிறது. டெஸ்ட் தொடரை 1-0 என இந்தியா ஏ அணி வென்றது. அதைத்தொடர்ந்து ஒருநாள் தொடர் சென்னையில் நடந்துவருகிறது. 

இன்று சென்னை எம்.ஏ.சிதம்பரம் மைதானத்தி நடந்த முதல் ஒருநாள் போட்டியில் டாஸ் வென்ற இந்தியா ஏ கேப்டன் சஞ்சு சாம்சன் ஃபீல்டிங்கை தேர்வு செய்தார்.

அதன்படி முதலில் பேட்டிங் செய்த நியூசிலாந்து ஏ அணியில் பின்வரிசையில் களமிறங்கிய ரிப்பான் மட்டும் அரைசதம் அடித்தார். அவர் 61 ரன்களுக்கு ஆட்டமிழந்தார். ஜோ வால்கர் 36 ரன்கள் அடித்தார். மற்ற அனைவருமே சொற்ப ரன்களுக்கு ஆட்டமிழக்க, 40.2 ஓவரில் வெறும் 167 ரன்களுக்கு ஆல் அவுட்டானது. 

இந்தியா ஏ அணி சார்பில் அபாரமாக பந்துவீசிய ஷர்துல் தாகூர் அதிகபட்சமாக 4 விக்கெட்டுகளும், குல்தீப் சென் 3 விக்கெட்டுகளும் வீழ்த்தினர்.

இதையடுத்து 168 ரன்கள் என்ற எளிய இலக்கை விரட்டிய இந்தியா ஏ அணியில் தொடக்க வீரர் ருதுராஜ் கெய்க்வாட் 41 ரன்கள் அடித்தார். ராகுல் திரிபாதி 31 ரன்கள் அடித்தார். கேப்டன் சஞ்சு சாம்சன் 31 ரன்களும், ரஜாத் பட்டிதார் 45 ரன்களும் அடித்து 32ஆவது ஓவரிலேயே இலக்கை எட்டினர்.

இதன்மூலம் 7 விக்கெட் வித்தியாசத்தில் வெற்றி பெற்ற இந்தியா ஏ அணி 1-0 என ஒருநாள் தொடரில் முன்னிலை வகிக்கிறது.