Shikhar Dhawan To Lead India's ODI Squad Against West Indies (Image Source: Google)
வெஸ்ட் இண்டீஸுக்கு இம்மாத இறுதியில் சுற்றுப் பயணம் மேற்கொள்ள உள்ள இந்திய அணி, 3 ஒருநாள் மற்றும் 5 டி20 போட்டிகள் கொண்ட தொடரில் விளையாடுகிறது.
இதற்கான இந்திய அணி தற்போது அறிவிக்கப்பட்டுள்ளது. இதில் ஷிகர் தவான் கேப்டனாகவும், ஜடேஜா துணை கேப்டனாகவும் அறிவிக்கப்பட்டுள்ளனர். இந்த தொடரில் விராட் கோலி, ரோஹித் சர்மா, பும்ரா, ரிஷப் பந்த், முகமது ஷமி ஆகியோருக்கு பிசிசிஐ ஓய்வு அளித்துள்ளது.
இந்த இந்திய ஒருநாள் அணியில் சுமார் 2 ஆண்டுகளுக்கு பிறகு சுப்மான் கில் இடம்பெற்றுள்ளார். இதே போன்று அதிரடி வீரர் சஞ்சு சாம்சன், இஷான் கிஷனுக்கும் வாய்ப்பளிக்கப்பட்டுள்ளது. அயர்லாந்து தொடரில் கலக்கிய தீபக் ஹூடாவும் தனது இடத்தை தக்க வைத்து கொண்டுள்ளார். தொடர்ந்து சொதப்பி வரும் ருத்துராஜ் கெய்க்வாட்டுக்கும் மீண்டும் ஒரு முறை வாய்ப்பு அளிக்கப்பட்டுள்ளது.
