போட்டிக்கு ஏற்றவாறு தோனி ஆக்ரோஷமாக விளையாடுவதும், நிதானமாக விளையாடுவதும் மிகச்சிறப்பான விஷயமாக பார்க்கப்படுகிறது. ஆனால் அதனை ஆஷஸ் டெஸ்ட் தொடரில் நடந்த ஒரு சம்பவத்துடன் ஒப்பிட்டு கொல்கத்தா நைட் ரைடர்ஸ் அணி கிண்டலடித்துள்ளது.
இங்கிலாந்து மற்றும் ஆஸ்திரேலியா அணிகளுக்கு இடையேயான 4வது டெஸ்ட் போட்டி படு விறுவிறுப்பாக நடைபெற்று சமனில் முடிவடைந்தது. நேற்று ஆஸ்திரேலிய அணி வெற்றி பெறும் என்ற சூழல் இருந்த நிலையில் இங்கிலாந்தின் 10வது விக்கெட் வீரர்கள் நிலைத்து நின்றனர். இதனால் கடைசி பந்தில் ஒரு விக்கெட் எடுத்தால் ஆஸ்திரேலியா வெற்றி, இல்லையென்றால் சமன் என்ற சூழல் இருந்தது.
அப்போது இங்கிலாந்தின் கடைசி வீரர் ஆண்டர்சனின் விக்கெட்டை எடுக்க ஆஸ்திரேலிய அணியின் அனைத்து வீரர்களும் பேட்ஸ்மேனை சுற்றி நின்றனர். இதுகுறித்த புகைப்படம் இணையத்தில் வைரலானது. இந்நிலையில் இந்த புகைப்படத்துடன் தோனியின் புகைப்படத்தை ஒப்பிட்டு கொல்கத்தா அணி ட்வீட் ஒன்று போட்டுள்ளது.
