சக அணி வீரர்களை பாராட்டிய தென் ஆப்பிரிக்க கேப்டன் பவுமா!
இத்தொடரின் முடிவில் அணியில் உள்ள பல தோழர்களுக்கு டெஸ்ட் கிரிக்கெட் என்றால் என்ன என்பது குறித்து சரியான அர்த்தம் கிடைத்திருக்கும் என தென் ஆப்பிரிக்க கேப்டன் டெம்பா பவுமா தெரிவித்துள்ளார்.
தென் ஆப்பிரிக்காவில் சுற்றுப்பயணம் மேற்கொண்டிருந்த இலங்கை அணி 2 போட்டிகள் கொண்ட டெஸ்ட் தொடரில் விளையாடியது. இதில் முதல் டெஸ்ட்டில் தென் ஆப்பிரிக்கா வெற்றி பெற்ற நிலையில் இரு அணிகளுக்கும் இடையேயான 2ஆவது டெஸ்ட் போட்டி டர்பனில் நடைபெற்றது.இதில் முதலில் பேட்டிங் செய்த தென் ஆப்பிரிக்கா அணி முதல் இன்னிங்ஸில் 358 ரன்களும் இலங்கை அணி 328 ரன்களும் சேர்த்தது.
இதனையடுத்து இரண்டாவது இன்னிங்ஸை தொடங்கிய தென் ஆப்பிரிக்கா 317 ரன்களுக்கு ஆல் அவுட் ஆனது. இதனால் இலங்கைக்கு 348 ரன்கள் இலக்கு நிர்ணயிக்கப்பட்டது. கடினமான இலக்குடன் களமிறங்கிய இலங்கை அணி 238 ரன்னில் ஆல் அவுட் ஆனது. இதனால் தென் ஆப்பிரிக்கா அணி 109 ரன்கள் வித்தியாசத்தில் வெற்றி பெற்றது. இதன்மூலம் 2 போட்டிகள் கொண்ட டெஸ்ட் தொடரையும் தென் ஆப்பிரிக்கா அணி 2-0 என்ற கணக்கில் கைப்பற்றி அசத்தியது.
Trending
மேலும் இந்த தொடரை கைப்பற்றியதன் மூலம் டெம்பா பவுமா தலைமையிலான தென் ஆப்பிரிக்க அணியானது உலக டெஸ்ட் சாம்பியன்ஷிப் புள்ளிப்பட்டியலில் முதல் இடத்திற்கும் முன்னேறி அசத்தியுள்ளது. மேலும் தென் ஆப்பிரிக்க அணி எதிர்வரும் பாகிஸ்தானுக்கு எதிரான 2 போட்டிகள் கொண்ட டெஸ்ட் தொடரில் ஏதேனும் ஒரு போட்டியில் வெற்றிபெற்றாலும் உலக டெஸ்ட் சாம்பியன்ஷிப் தொடரின் இறுதி போட்டிக்கும் முன்னேறும் என்பது குறிப்பிடத்தக்கது.
இந்நிலையில் இப்போட்டியின் வெற்றிக்கு பிறகு பேசிய தென் ஆப்பிரிக்க அணி கேப்டன் டெம்பா பவுமா, “இத்தொடரின் முடிவில் அணியில் உள்ள பல தோழர்களுக்கு டெஸ்ட் கிரிக்கெட் என்றால் என்ன என்பது குறித்து சரியான அர்த்தம் கிடைத்திருக்கும். ஏனெனில் சமீப காலங்களில் டெஸ்ட் கிரிக்கெட்டைப் பொறுத்தவரையில் நீங்கள் ஐந்து நாள்கள் விளையாடுவது என்பது அரிதானது, அதிலும் போட்டியில் இரு அணிகளும் சமநிலையில் இருக்கும்போது மேலும் அரிதான ஒன்றாகவே பார்க்கப்படுகிறது.
Also Read: Funding To Save Test Cricket
இப்போது எங்களின் சாம்பியன்ஷிப் அட்டவணை நன்றாக இருக்கிறது. இன்னும் இரண்டு போட்டிகள் கைவசம் உள்ள நிலையில் நாங்கள் தற்போது நம்பர் ஒன் இடத்தில் இருக்கிறோம். மேற்கொண்டு இது எப்படி இருக்கும் என்று எனக்குத் தெரியவில்லை, ஆனால் நாங்கள் நன்றாக கிரிக்கெட் விளையாடுகிறோம், அதைத் தொடர விரும்புகிறோம். அணியில் உள்ள மற்ற தோழர்களும் அதனையே விரும்புகின்றனர்” என்று தெரிவித்துள்ளார்.
Win Big, Make Your Cricket Tales Now
