SL vs BAN 2nd test: ஜெயவிக்ராமா பந்துவீச்சில் அபார வெற்றி பெற்ற இலங்கை!

வங்கதேச அணிக்கெதிரான இரண்டாவது டெஸ்ட் போட்டியில் இலங்கை அணி வெற்றிபெற்று டெஸ்ட் தொடரை 1-0 என்ற கணக்கில் கைப்பற்றி அசத்தியது.

இலங்கையில் சுற்றுப்பயணம் மேற்கொண்டுள்ள வங்கதேச அணி டெஸ்ட் தொடரில் விளையாடி வருகிறது. இதில் ஏற்கெனவே நடைபெற்ற முதல் போட்டி டிராவில் முடிந்த நிலையில், இரு அணிகளுக்கும் இடையேயான இரண்டாவது டெஸ்ட் போட்டி ஏப்ரல் 29ஆம் தேதி தொடங்கியது. 

இப்போட்டியில் முதலில் முதல் இன்னிங்ஸை தொடங்கிய இலங்கை அணி கேப்டன் கருணரத்னே, திரிமானே ஆகியோர் அதிரடியாக விளையாடி சதமடித்து அசத்தினர்.

இதன் மூலம் முதல் இன்னிங்ஸில் இலங்கை அணி 7 விக்கெட் இழப்பிற்கு 493 ரன்களைச் சேர்த்து டிக்ளர் செய்தது. 

அதன்பின் முதல் இன்னிங்ஸை தொடர்ந்த வங்கதேச அணியில் தமிம் இக்பாலை தவிர மற்ற வீரர்கள் அனைவரும் சொற்ப ரன்களில் ஆட்டமிழந்து, 251 ரன்களில் இன்னிங்ஸை முடிவு செய்தது.

இதையடுத்து இரண்டாவது இன்னிங்ஸை விளையாடிய இலங்கை அணி 194 ரன்களுன் டிக்ளர் செய்தது. இதில் வங்கதேச அணி தரப்பில் டைஜுல் இஸ்லாம் ஐந்து விக்கெட்டுகளை கைப்பற்றினார். 

அதன்பின் வெற்றி இலக்கை நோக்கி களமிறங்கிய வங்கதேச அணி ரமேஷ் மெண்டிஸ், பிரவீன் ஜெயாவிக்ரமா ஆகியோரது பந்துவீச்சில் 227 ரன்களில் ஆல் அவுட்டானந்து. 

இதன்மூலம் 209 ரன்கள் வித்தியாசத்தில் இலங்கை அணி வங்கதேச அணியை வீழ்த்தி அபார வெற்றி பெற்றது. இதன் மூலம் 2 டெஸ்ட் போட்டிகள் கொண்ட தொடரை 1-0 என்ற கணக்கில் இலங்கை அணி கைப்பற்றியது.