டி காக் அரைசதம்; தொடரை வென்றது தென் ஆப்பிரிக்கா!
இலங்கை அணிக்கெதிரான இரண்டாவது டி20 போட்டியில் தென் ஆப்பிரிக்க அணி 9 ரன்கள் வித்தியாசத்தில் வெற்றிபெற்றதுடன், டி20 தொடரை 2-0 என்ற கணக்கில் கைப்பற்றியது.
இப்போட்டியில் டாஸ் வென்று முதலில் பேட்டிங் செய்த இலங்கை அணி 18.1 ஓவரிலேயே அனைத்து விக்கெட்டையும் இழந்து 103 ரன்களை மட்டுமே சேர்த்தது.
Trending
இதில் அதிகபட்சமாக குசால் பெரேரா 30 ரன்களைச் சேர்த்தார். தென் ஆப்பிரிக்க அணி தரப்பில் ஐடன் மார்க்ரம், தப்ரைஸ் ஷம்ஸி தலா 3 விக்கெட்டுகளைக் கைப்பற்றினர்.
இதையடுத்து எளிய இலக்கை நோக்கி களமிறங்கிய தென் ஆப்பிரிக்க அணியில் ரீசா ஹெண்ட்ரிக்ஸ் 18 ரன்களில் ஆட்டமிழந்தார். அதன்பின் டி காக்குடன் இணைந்து விளையாடிய ஐடன் மார்க்ரம் சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினார்.
இதில் அதிரடியாக விளையாடிய டி காக் அரைசதம் அடித்ததுடன் அணியை வெற்றிக்கும் அழைத்து சென்றார். இதன் மூலம் தென் ஆப்பிரிக்க அணி 14.1 ஓவரிலேயே இலக்கை எட்டி 9 விக்கெட் வித்தியாசத்தில் வெற்றிபெற்றது.
Also Read: இந்திய அணியின் இங்கிலாந்து சுற்றுப்பயணம், 2021
இந்த வெற்றியின் மூலம் தென் ஆப்பிரிக்க அணி 3 போட்டிகள் கொண்ட டி20 தொடரில் 2-0 என்ற கணக்கில் தொடரைக் கைப்பற்றி அசத்தியது.
Win Big, Make Your Cricket Tales Now
