SL vs ZIM, 3rd ODI: ஜிம்பாப்வேவுக்கு 255 ரன்கள் இலக்கு!

ஜிம்பாப்வேவுடனான கடைசி ஒருநாள் போட்டியில் இலங்கை அணி 255 ரன்களை இலக்காக நிர்ணயித்துள்ளது.

இலங்கை - ஜிம்பாப்வே அணிகளுக்கு இடையேயான மூன்றாவது மற்றும் கடைசி ஒருநாள் போட்டி பல்லகலேவில் நடைபெற்று வருகிறது. இதில் டாஸ் வென்ற இலங்கை அணி முதலில் பேட்டிங் செய்ய தீர்மானித்து விளையாடியது.

அதன்படி களமிறங்கிய அந்த அணிக்கு பதும் நிஷங்கா - குசால் மெண்டிஸ் இணை சிறப்பான தொடக்கத்தைக் கொடுத்தனர். இதில் நிஷங்கா அரைசதம் கடந்தார். 

பின்னர் 36 ரன்களில் குசால் மெண்டிஸ் ஆட்டமிழக்க, 55 ரன்களில் நிஷங்காவும் விக்கெட்டை இழந்தார். அடுத்து வந்த கமிந்து மெண்டிஸ், தினேஷ் சண்டிமல் ஆகியோரும் சொற்ப ரன்களில் வெளியேறினர். 

இதையடுத்து களமிறங்கிய சரித் அசலங்கா சிறப்பான ஆட்டத்தை வெளிப்படு்த்தி 52 ரன்களைச் சேர்த்தார். இறுதியில் சமிகா கருணரத்னே, ரமேஷ் மெண்டிஸ் ஆகியோரும் ஸ்கோரை உயர்த்த உதவினர்.

இதன்மூலம் 50 ஓவர்கள் முடிவில் இலங்கை அணி 9 விக்கெட் இழப்பிற்கு 254 ரன்களைச் சேர்த்தது. இதையடுத்து 255 ரன்கள் எடுத்தால் வெற்றி என்ற இலக்குடன் ஜிம்பாப்வே அணி விளையாடவுள்ளது.