சன்ரைசர்ஸ் ஹைதராபாத் vs பஞ்சாப் கிங்ஸ் - அணிகள் ஓர் அலசல்!

ஐபிஎல் தொடரில் இன்று நடைபெற இருக்கும் லீக் போட்டியில் சன்ரைசர்ஸ் ஹைதராபாத் மற்றும் பஞ்சாப் கிங்ஸ் அணிகள் பலப்பரீட்சை நடத்தவுள்ளன.

சன்ரைசர்ஸ் ஹைதராபாத் vs பஞ்சாப் கிங்ஸ் - அணிகள் ஓர் அலசல்! (Image Source: Google)

ரசிகர்களின் பெரும் எதிர்பார்ப்புகளுக்கு மத்தியில் நடைபெற்று வரும் 18ஆவது சீசன் ஐபிஎல் தொடரில் இன்று நடைபெறும் 27ஆவது லீக் போட்டியில் பாட் கம்மின்ஸ் தலைமையிலான சன்ரைசர்ஸ் ஹைதராபாத் மற்றும் ஸ்ரேயாஸ் ஐயர் தலைமையிலான பஞ்சாப் கிங்ஸ் அணிகள் பலப்பரீட்சை நடத்தவுள்ளன.

இவ்விரு அணிகளுக்கும் இடையேயான இப்போட்டியானது ஹைதராபாத்தில் உள்ள ராஜிவ் காந்தி சர்வதேச கிரிக்கெட் மைதானத்தில் நடைபெறவுள்ளது. இதில் பஞ்சாப் கிங்ஸ் அணி அடுத்தடுத்து வெற்றிகளைப் பதிவுசெய்துள்ள நிலையில், ஹைதராபாத் அணி தொடர் தோல்விகளைச் சந்தித்து வருகிறது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளது.  இந்நிலையில் இரு அணிகளில் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம்.

சன்ரைசர்ஸ் ஹைதராபாத்

பாட் கம்மின்ஸ் தலைமையிலான சன்ரைசர்ஸ் ஹைதராபாத் அணி நடப்பு ஐபிஎல் தொடரை அதிரடியாக தொடங்கிய நிலையில், அதன்பின் அடுத்தடுத்து ஹாட்ரிக் தோல்விகளைச் சந்தித்து ரசிகர்களை ஏமாற்றத்தில் ஆழ்த்தியுள்ளது. அந்த அணியின் பேட்டிங்கில் டிராவிஸ் ஹெட், அபிஷேக் சர்மா, இஷான் கிஷான், ஹென்ரிச் கிளாசென், நிதீஷ் ரெட்டி உள்ளிட்டோர் இருக்கும் நிலையிலும் கடந்த சில போட்டிகளாக அந்த அணி ரன்களைச் சேர்க்க தவறி வருவது பெரும் சிக்கலை உருவாக்கியுள்ளது.

மேற்கொண்டு அணியின் பந்துவீச்சை பொறுத்தவரையில் கேப்டன் பாட் கம்மின்ஸ், முகமது ஷமி, ஹர்ஷல் படேல் ஆகியோர் முக்கிய பங்கு வகிக்கின்றனர். அவர்களுடன் சிமர்ஜித் சிங், ஆடம் ஸாம்பா உள்ளிட்டோரும் அணிக்கு வழு சேர்க்கின்றனர். இருப்பினும் அந்த அணியின் பந்துவீச்சு துறை ரன்களைக் கட்டுப்படுத்த தவறுவது பெரும் பின்னடவாக பார்க்கப்படுகிறது. இதனால் இன்றைய ஆட்டத்தில் அந்த அணி தங்களின் அணுகுமுறையை மாற்றுமா என்பதை பொறுத்திருந்து தான் பார்க்க வேண்டும்.

சன்ரைசர்ஸ் ஹைதராபாத் உத்தேச லெவன்: டிராவிஸ் ஹெட், அபிஷேக் சர்மா, இஷான் கிஷன், நிதிஷ் குமார் ரெட்டி, கமிந்து மெண்டிஸ், ஹென்ரிச் கிளாசென், அனிகேத் வர்மா, பாட் கம்மின்ஸ் (கேப்டன்), ஹர்ஷல் படேல், சிமர்ஜீத் சிங், முகமது ஷமி.

பஞ்சாப் கிங்ஸ்

ஸ்ரேயஸ் ஐயர் தலைமயி​லான பஞ்​சாப் கிங்ஸ் அணியும் கடந்த போட்டியில் அபார வெற்றியைப் பதிவுசெய்து அசத்திய நிலையில் இப்போட்டியை எதிர்கொள்கிறது. அதிலும் குறிப்பாக கடந்த போட்டியில் அந்த அணியின் இளம் தொடக்க வீரர் பிரியான்ஷ் ஆர்யா சதமடித்த கையோடு இப்போட்டியில் விளையாடவுள்ளார். மேற்கொண்டு பிரப்ஷிம்ரன் சிங், ஸ்ரேயாஸ் ஐயர், மார்கஸ் ஸ்டொய்னிஸ் ஆகியோருடன் ஷஷாங்க் சிங், மார்கோ ஜான்சன் உள்ளிட்டோரும் ஃபார்மில் இருப்பது அணிக்கு வலு சேர்க்கிறது.

அணியின் பந்துவீச்சு துறையை அர்ஷ்தீப் சிங், யுஸ்வேந்திர சஹால், கிளென் மேக்ஸ்வெல் உள்ளிட்டோருடன் லோக்கி ஃபெர்குசன், மார்கோ ஜான்சன் உள்ளிட்டோரும் சிறப்பாக செயல்படும் பட்சத்தில் அந்த அணியின் வெற்றியை தடுத்து நிறுத்துவது இயலாத ஒன்றாக இருக்கும். இதனால் இன்றைய ஆட்டத்தின் மூலம் பஞ்சாப் கிங்ஸ் அணி மீண்டும் வெற்றிபெற்று புள்ளிப்பட்டியலில் முன்னேறுமா என்பதை பொறுத்திருந்து தான் பார்க்கவேண்டும்.

பஞ்சாப் கிங்ஸ் உத்தேச லெவன்: பிரியன்ஸ் ஆர்யா, பிரப்சிம்ரன் சிங் (விக்கெட் கீப்பர்), ஷ்ரேயாஸ் ஐயர், மார்கஸ் ஸ்டோனிஸ், நேஹல் வதேரா, கிளென் மேக்ஸ்வெல், ஷஷாங்க் சிங், சுயான்ஷ் ஷெட்ஜ், மார்கோ ஜான்சன், அர்ஷ்தீப் சிங், லாக்கி பெர்குசன்.

நேருக்கு நேர்

• மோதிய போட்டிகள் – 23
• சன்ரைசர்ஸ் ஹைதராபாத் – 16
• பஞ்சாப் கிங்ஸ் – 07

ஃபேண்டஸி லெவன் டிப்ஸ்

• விக்கெட் கீப்பர்- ஹென்ரிச் கிளாசென்
• பேட்ஸ்மேன்கள் - டிராவிஸ் ஹெட் (துணை கேப்டன்), ஷ்ரேயாஸ் ஐயர் (கேப்டன்), நேஹால் வதேரா, பிரியான்ஷ் ஆர்யா, நிதிஷ் குமார் ரெட்டி, அனிகேத் வர்மா
• ஆல்ரவுண்டர் - கிளென் மேக்ஸ்வெல்
• பந்து வீச்சாளர்கள்- பாட் கம்மின்ஸ், லோக்கி ஃபெர்குசன், அர்ஷ்தீப் சிங்.