Sri Lanka Legends finish group stage on top (Image Source: Google)
சாலைப்பாதுகாப்பு உலக சீரிஸ் கிரிக்கெட் தொடரில் இன்று நடைபெற்ற லீக் ஆட்டத்தில் இலங்கை லெஜண்ட்ஸ் - வங்கதேச லெஜண்ட்ஸ் அணிகள் பலப்பரீட்சை நடத்தின. இதில் டாஸ் வென்ற வங்கதேச லெஜண்ட்ஸ் அணி முதலில் பந்துவீசுவதாக தீர்மானித்தது.
அதன்படி களமிறங்கிய இலங்கை லெஜண்ட்ஸ் அணிக்கு ஜெயசூர்யா - மஹேல உடவத்த இணை அதிரடியான தொடக்கத்தைக் கொடுத்தனர். இவர்களைத் தொடர்ந்து களமிறங்கிய திலகரத்னே தில்சன் அதிரடியான ஆட்டத்தை வெளிப்படுத்தி அரைசதம் கடந்தார்.
இதன்மூலம் 20 ஓவர்கள் முடிவில் இலங்கை லெஜண்ட்ஸ் அணி 5 விக்கெட் இழப்பிற்கு 213 ரன்களைச் சேர்த்து அசத்தியது. இதில் அதிகபட்சமாக தில்சன் 51 ரன்களைச் சேர்த்திருந்தார்.
