ஐபிஎல் திருவிழா 2022: சன்ரைசர்ஸ் ஹைதராபாத் vs லக்னோ சூப்பர் ஜெயண்ட்ஸ்!

15அவது சீசன் ஐபிஎல் போட்டியில் இன்று மாலை நடக்கும் ஆட்டத்தில், கே.எல்.ராகுல் தலைமையிலான லக்னோ அணியும், கேன் வில்லியம்சன் தலைமையிலான சன்ரைசர்ஸ் அணியும் மோதுகின்றன.

2022ஆம் ஆண்டுக்கான 15ஆவது சீசன் ஐபிஎல் போட்டி மும்பை மற்றும் புனேவில் நடைபெற்று வருகிறது. இந்தத் தொடர் கடந்த மார்ச் 26-ம் தேதி தொடங்கிய நிலையில், தற்போது 11 போட்டிகள் நிறைவடைந்துள்ளன. 

இந்நிலையில், இன்று மாலை, நவி மும்பையில் உள்ள டி.ஒய் பாட்டீல் மைதானத்தில் 12-வது சூப்பர் லீக் போட்டி நடைபெறுகிறது.

போட்டி தகவல்கள்

• மோதும் அணிகள் - சன்ரைசர்ஸ் ஹைதராபாத் - லக்னோ சூப்பர் ஜெயண்ட்ஸ்
• இடம் - டிஒய் பாட்டில் மைதானம், மும்பை
• நேரம் - இரவு 7.30 மணி

போட்டி முன்னோட்டம்

கே.எல்.ராகுல் தலைமையிலான லக்னோ அணியும், கேன் வில்லியம்சன் தலைமையிலான சன்ரைசர்ஸ் அணியும் மோதுகின்றன. லக்னோ அணி, முதல் போட்டியில் குஜராத் அணியிடம் 2 ரன்களில் தோல்வியடைந்த பின்னர், சென்னை அணிக்கு எதிரானப் போட்டியில் அசத்தலாக விளையாடி தனது முதல் வெற்றியை பதிவு செய்தது. இதனால் தனது 2ஆவது வெற்றியை பதிவு செய்யும் முனைப்பில் களமிறங்க உள்ளது.

அதேசமயம் கேன் வில்லியம்சன் தலைமையிலான சன்ரைசர்ஸ் அணி, ராஜஸ்தான் ராயல்ஸ் அணிக்கு எதிரான முதல் போட்டியில், 61 ரன்கள் வித்தயாசத்தில் தோல்வியை தழுவியது. இதனால், தனது முதல் வெற்றியை பதிவுசெய்யும் வகையில் களமிறங்குகிறது.

உத்தேச லெவன் 

சன்ரைசர்ஸ் ஹைதராபாத் - அபிஷேக் சர்மா, ராகுல் திரிபாதி, கேன் வில்லியம்சன் (கே), நிக்கோலஸ் பூரன், ஐடன் மார்க்ரம், அப்துல் சமத், வாஷிங்டன் சுந்தர், ரொமாரியோ ஷெப்பர்ட், புவனேஷ்வர் குமார், டி நடராஜன், உம்ரான் மாலிக்.

லக்னோ சூப்பர் ஜெயண்ட்ஸ் - கேஎல் ராகுல் (கே), குயின்டன் டி காக், எவின் லூயிஸ், மனிஷ் பாண்டே, தீபக் ஹூடா, ஆயுஷ் பதோனி, க்ருனால் பாண்டியா, துஷ்மந்த சமீரா, ஆண்ட்ரூ டை/ ஜேசன் ஹோல்டர், ரவி பிஷ்னோய், அவேஷ் கான்.

ஃபேண்டஸி லெவன் டிப்ஸ்

• விக்கெட் கீப்பர்கள் - நிக்கோலஸ் பூரன், கேஎல் ராகுல், குயின்டன் டி காக்
• பேட்டர்ஸ் - ராகுல் திரிபாதி, எவின் லூயிஸ், ஆயுஷ் பதோனி
• ஆல்-ரவுண்டர்கள் - ஐடன் மார்க்ரம், வாஷிங்டன் சுந்தர்
• பந்துவீச்சாளர்கள் - புவனேஷ்வர் குமார், ரவி பிஷ்னோய், துஷ்மந்த சமீரா

Win Big, Make Your Cricket Tales Now