IND vs ENG: ஒருநாள் தொடரில் சூர்யகுமார், குர்னால், பிரதீஷ்-க்கு வாய்ப்பு!
இங்கிலாந்து அணிக்கெதிரான மூன்று ஒருநாள் போட்டிகள் கொண்ட தொடருக்கான இந்திய அணியில் வேகப்பந்து வீச்சாளர் நடரஜான், அறிமுக வீரர்களான சூர்யகுமார் யாதவ், பிரதீஷ் கிருஷ்ணா ஆகியோருக்கு வாய்ப்பு வழங்கப்பட்டுள்ளது.
இங்கிலாந்து கிரிக்கெட் அணி இந்தியாவில் சுற்றுப்பயணம் செய்து, டெஸ்ட், டி20, ஒருநாள் தொடர்களில் விளையாடி வருகிறது. இதில் தற்போது நடைபெற்று வரும் ஐந்து டி20 போட்டிகள் கொண்ட தொடரில் இரு அணிகளும் 2 வெற்றிகளைப் பெற்று தொட்ரில் சமனிலையில் உள்ளன.
இதற்கிடையில், இரு அணிகளுக்கும் இடையே நடைபெறவுள்ள மூன்று ஒருநாள் போட்டிகளுக்கான இந்திய அணியை பிசிசிஐ இன்று அறிவித்துள்ளது. விராட் கோலி தலைமையிலான இந்த அணியில் அறிமுக வீரர்களாக குர்னால் பாண்டியா, சூர்யகுமார் யாதவ், பிரதீஷ் கிருஷ்ணா ஆகியோருக்கு வாய்ப்பு வழங்கப்பட்டுள்ளது.
Trending
அதேசதமயம் உடற்தகுதி காரணமாக இங்கிலாந்து டி20 தொடரிலிருந்து விலக்கப்பட்ட தமிழ்நாடு வேகப்புயல் நடராஜன் தங்கராசு, உடற்தகுதி தேர்வில் தேர்ச்சியடைந்ததை அடுத்து, ஒருநாள் தொடருக்கான இந்திய அணியில் வாய்ப்பு வழங்கப்பட்டுள்ளது.
இந்தியா, இங்கிலாந்து அணிகளுக்கு இடையேயான முதலாவது ஒருநாள் போட்டி மார்ச் 23ஆம் தேதி புனேவில் நடைபெறவுள்ளது.
இந்திய அணி: விராட் கோலி (கேப்டன்), ரோஹித் சர்மா, ஷிகர் தவான், சுப்மான் கில், ஸ்ரேயாஸ் ஐயர், சூரியகுமார் யாதவ், ஹார்திக் பாண்டியா, ரிஷப் பந்த், கே.எல். ராகுல், யுஸ்வேந்திர சஹால், குல்தீப் யாதவ் , குர்னால் பாண்டியா, வாஷிங்டன் சுந்தர், நடராஜன், புவனேஷ்வர் குமார், முகமது சிராஜ், பிரதீஷ் கிருஷ்ணா, ஷர்துல்.
Win Big, Make Your Cricket Tales Now
Cricket Scorecard
