டி20 உலகக்கோப்பை: தென் ஆப்பிரிக்காவை 118 ரன்னில் சுருட்டிய ஆஸி!

ஆஸ்திரேலிய அணிக்கெதிரான டி20 உலகக்கோப்பை போட்டியில் முதலில் பேட்டிங் செய்த தென் ஆப்பிரிக்க அணி 119 ரன்களை இலக்காக நிர்ணயித்துள்ளது.

டி20 உலகக்கோப்பை தொடரில் இன்று நடைபெற்ற 13ஆவது லீக் ஆட்டத்தில் ஆஸ்திரேலியா - தென் ஆப்பிரிக்க அணிகள் விளையாடி வருகின்றன. இப்போட்டியில் டாஸ் வென்ற ஆஸ்திரேலிய அணி முதலில் பந்துவீச தீர்மானித்தது. 

அதன்படி களமிறங்கிய தென் ஆப்பிரிக்க அணி வீரர்கள் ஆஸ்திரேலிய அணியின் பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டுகளை இழந்து தடுமாறியது. 

அதனைத்தொடர்ந்து சற்று நிதான ஆட்டத்தை வெளிப்படுத்திய ஐடன் மார்க்ரம் மட்டும் நிலைத்து விளையாடி 40 ரன்களைச் சேர்த்தார். ஆனால் மறுமுனையில் களமிறங்கிய வீரர்கள் அனைவரும் சொற்ப ரன்களில் ஆட்டமிழந்து பெவிலியன் திரும்பினர். 

இதனால் 20 ஓவர்கள் முடிவில் தென் ஆப்பிரிக்க அணி 9 விக்கெட்டுகளை இழந்து 118 ரன்களை மட்டுமே சேர்த்தது. ஆஸ்திரேலிய அணி தரப்பில் மிட்செல் ஸ்டார்க், ஆடம் ஸாம்பா, ஜோஷ் ஹசில்வுட் ஆகியோர் தலா 2 விக்கெட்டுகளைக் கைப்பற்றினர். 

Win Big, Make Your Cricket Tales Now