டி20 உலகக்கோப்பை: நமீபியாவை வீழ்த்தியது நியூசிலாந்து!

டி20 உலகக்கோப்பை: நமீபியா அணிக்கெதிரான போட்டியில் நியூசிலாந்து அணி 52 ரன்கள் வித்தியாசத்தில் வெற்றிபெற்று அசத்தியது.

டி20 உலகக்கோப்பை தொடரில் இன்று நடைபெற்ற 36ஆவது லீக் ஆட்டத்தில் நியூசிலாந்து - நமீபியா அணிகள் மோதின. இதில் டாஸ் வென்ற நமீபியா அணி முதலில் பந்துவீச தீர்மானித்தது.

இதையடுத்து களமிறங்கிய நியூசிலாந்து அணி கிளென் பிலீப்ஸ் - ஜேம்ஸ் நீஷம் ஆகியோரது அதிரடியான ஆட்டத்தினால் 20 ஓவர்கள் முடிவில் 4 விக்கெட்டுகளை இழந்து 164 ரன்களைச் சேர்த்தது.

இதில் இறுதிவரை ஆட்டமிழக்காமல் இருந்த கிளென் பிலீப்ஸ் 39 ரன்களையும், நீஷம் 35 ரன்களையும் சேர்த்தனர். 

இதையடுத்து களமிறங்கிய நமீபியா அணி ஆரம்பம் முதலே சீரான இடைவேளையில் விக்கெட்டுகளை இழந்து தடுமாறியது. இறுதியில் அந்த அணி 7 விக்கெட்டுகளை இழந்து 111 ரன்களை மட்டுமே சேர்த்தது. 

இதன் மூலம் நியூசிலாந்து அணி 52 ரன்கள் வித்தியாசத்தில் நமீபியாவை வீழ்த்தி அபார வெற்றிபெற்றது.

Win Big, Make Your Cricket Tales Now