டி20 உலகக்கோப்பை: இலங்கையை 158 ரன்னில் சுருட்டியது ஆஸி!
டி20 உலகக்கோப்பை: ஆஸ்திரேலியாவுக்கு எதிரான சூப்பர்12 ஆட்டத்தில் இலங்கை அணி 159 ரன்களை இலக்காக நிர்ணயித்துள்ளது.
ஆஸ்திரேலிய அணியில் ஆடம் ஸாம்பாவுக்கு கரோனா தொற்று இருப்பது உறுதி செய்யப்பட்டுள்ளதால், அவருக்குப் பதில் அஷ்டன் அகார் சேர்க்கப்பட்டுள்ளார். இலங்கையில் பதும் நிசன்கா மீண்டும் அணிக்குத் திரும்பியுள்ளார்.
Trending
இதையடுத்து களமிறங்கிய இலங்கை அணியில் குசால் மெண்டிஸ் 5 ரன்களில் விக்கெட்டை இழந்து பெவிலியனுக்கு திரும்பினார். அதன்பின் ஜோடி சேர்ந்த பதும் நிஷங்கா - தனஞ்செய டி சில்வா இணை பொறுப்பான ஆட்டத்தை வெளிப்படுத்தி ஸ்கோரை உயர்த்தினர்.
பின்னர் 40 ரன்களை எடுத்திருந்த பதும் நிஷங்கா அரைசதமடிப்பார் என எதிர்பார்க்கப்பட்ட நிலையில், எதிர்பாராத விதமாக ரன் அவுட்டாகி பெவிலியனுக்கு நடையைக் கட்டினார். அவரைத் தொடர்ந்து 26 ரன்களில் தனஞ்செயாவும் ஆட்டமிழந்து வெளியெறினார்.
இதையடுத்து களமிறங்கிய பனுகா ராஜபக்ஷா 7, கேப்டன் தசுன் ஷனகா 3, வநிந்து ஹசரங்கா ஒரு ரன் என அடுத்தடுத்து மூன்று விக்கெட்டுகளை இலங்கை அணி இழந்தது. ஆனால் மறுமுனையில் நிதானமாக விளையாடி வந்த சரித் அசலங்கா ஸ்கோரை உயர்த்தினார்.
அவருடன் ஜோடி சேர்ந்த கருணரத்னேவும் ஒரு சில பவுண்டரிகளை அடித்தார். இறுதியில் 20 ஓவர்கள் முடிவில் இலங்கை அணி 6 விக்கெட்டுகளை இழந்து 158 ரன்களைச் சேர்த்தது. இலங்கை தரப்பில் சரித் அசலங்கா 38 ரன்களுடனும், கருணரத்னே 17 ரன்களுடனும் களத்தில் இருந்தனர்.
Win Big, Make Your Cricket Tales Now
