சிபிஎல் 2022: பார்போடாஸை வீழ்த்தியது ஜமைக்கா தலாவஸ்!

பார்போடாஸ் ராயல்ஸ் அணிக்கெதிரான சிபிஎல் லீக் ஆட்டத்தில் ஜமைக்கா தலாவஸ் அணி 6 ரன்கள் வித்தியாசத்தில் வெற்றிபெற்றது.

Tallawahs clinch rain-hit nail-biter against Barbados Royals (Image Source: Google)

வெஸ்ட் இண்டீஸின் உள்ளூர் கிரிக்கெட் தொடரான கரீபியன் பிரீமியர் லீக் டி20 தொடரின் நடப்பாண்டு சீசன் விறுவிறுப்பாக நடைபெற்று வருகிறது. இதில் நேற்று நடைபெற்ற லீக் ஆட்டத்தில் பார்போடாஸ் ராயல்ஸ் - ஜமைக்கா தலாவஸ் அணிகள் பலப்பரீட்சை நடத்தின.

இப்போட்டியில் டாஸ் வென்ற ஜமைக்கா தலாவஸ் அணி முதலில் பந்துவீச தீர்மானித்தாது. அதன்படி களமிறங்கிய பார்போடாஸ் ராயல்ஸ் அணியில் கார்ன்வெல், கைல் மேயர்ஸ், கார்பின் போஷ் ஆகியோர் சொற்ப ரன்களில் ஆட்டமிழந்து பெவிலியனுக்கு திரும்பினர். 

இதையடுத்து களமிறங்கிய குயிண்டன் டி காக் அதிரடியான ஆட்டத்தை வெளிப்படுத்தி அரைசதம் கடந்ததுடன், 74 ரன்களையும்ச் சேர்த்து அசத்தினார். 

இதன்மூலம் 20 ஓவர்கள் முடிவில் பார்போடாஸ் ராயல்ஸ் அணி 6 விக்கெட்டுகளை இழந்து 146 ரன்களை மெட்டுமே எடுத்தது. ஜமைக்கா தரப்பில் இமாத் வாசிம் 3 விக்கெட்டுகளைக் கைப்பற்றினார்.

இதையடுத்து இலக்கை துரத்திய ஜமைக்கா தலாவஸ் அணிக்கு பிராண்டன் கிங் - அமிர் ஜோங்கோ இணை அதிரடியான தொடக்கத்தைக் கொடுத்தனர். இதில் கிங் 46 ரன்களிலும், ஜோன்கோ 28 ரன்களில் ஆட்டமிழக்க, அடுத்து களமிறங்கிய வீரர்களும் சொதப்பினர். 

பின் இரண்டாவது இன்னிங்ஸில் 17 ஓவர்கள் முடிந்த நிலையில் மழைக்குறுக்கிட்டதன் காரணமாக ஆட்டம் பாதியிலேயே நிறுத்தப்பட்டது. தொடர்ந்து மழை நீடித்த காரணத்தால் டக்வெர்த் லூயிஸ் முறைப்படி ஜமைக்கா தலாவஸ் அணி 6 ரன்கள் வித்தியாசத்தில் பார்போடாஸ் ராயல்ஸ் அணியை வீழ்த்தியதாக அறிவிக்கப்பட்டது.