ZIM vs IND, 1st ODI: கம்பேக்கில் கலக்கிய சஹார், பிரஷித்; இந்தியாவுக்கு 190 ரன்கள் இலக்கு!
இந்தியாவுக்கு எதிரான முதல் ஒருநாள் போட்டியில் முதலில் பேட்டிங் செய்த ஜிம்பாப்வே அணி 190 ரன்களை இலக்காக நிர்ணயித்துள்ளது.
இப்போட்டியில் டாஸ் வென்ற இந்திய அணி கேப்டன் கேஎல் ராகுல் முதலில் பந்துவீசுவதாக அறிவித்தார். அதன்படி களமிறங்கிய ஜிம்பாப்வே அணிக்கு இந்திய அணியில் கம்பேக் கொடுத்துள்ள தீபக் சஹார் மூலம் அதிர்ச்சி காத்திருந்தது.
Trending
அந்த அணியின் தொடக்க வீரர்கள் இன்னொசண்ட் கையா, மருமணி, வெஸ்லி மதவெரே ஆகியோர் தீபக் சஹார் பந்துவீச்சில் அடுத்தடுத்து விக்கெட்டுகளை இழந்து பெவிலியனுக்கு திரும்பினர்.
அதன்பின் பெரிதும் எதிர்பார்க்கப்பட்ட சிக்கந்தர் ரஸா 12 ரன்களில் ஆட்டமிழந்து பெவிலியனுக்கு திரும்பினர் . பின்னர் கேப்டன் ரேஜிஸ் சகாப்வா ஓரளவு சிறப்பான ஆட்டத்தை வெளிப்படுத்து 35 ரன்களைச் சேர்த்து ஆட்டமிழந்தார்.
இதையடுத்து ஜோடி சேர்ந்த பிராட் எவன்ஸ் - ரிச்சர்ட் இணை சிறப்பான ஆட்டத்தை வெளிப்படுத்தினர். இதில் அரைசதம் அடிப்பர்கள் என எதிர்பார்க்கப்பட்ட நிலையில், எவன்ஸ் 33 ரன்களிலும், ரிச்சர்ட் 34 ரன்களிலும் விக்கெட்டை இழந்தனர்.
இதனால் 40.3 ஓவர்களில் ஜிம்பாப்வே அணி அனைத்து விக்கெட்டுகளையும் இழந்து 189 ரன்களை மட்டுமே சேர்த்தது. இந்திய அணி தரப்பில் தீபக் சஹார், பிரஷித் கிருஷ்ணா, அக்ஸர் படேல் ஆகியோர் தலா 3 விக்கெட்டுகளைக் கைப்பற்றினர்.
Win Big, Make Your Cricket Tales Now
