இந்தியாவை சொந்த மண்ணில் வீழ்த்த வேண்டும் - டேவன் கான்வே

இந்தியாவுடனான டெஸ்ட் தொடரைக் கைப்பற்றுவதே எங்கள் லட்சியம் என நியூசிலாந்து அதிரடி தொடக்க வீரர் டேவன் கான்வே தெரிவித்துள்ளார்.

டி20 உலகக் கோப்பைப் போட்டிக்குப் பிறகு நியூசிலாந்து அணி இந்தியாவுக்குச் சுற்றுப்பயணம் செய்து 3 போட்டிகள் கொண்ட டி20 தொடரிலும் 2 போட்டிகள் கொண்ட டெஸ்ட் தொடரிலும் பங்கேற்கிறது. 

அதன்படி கான்பூர், மும்பையில் டெஸ்ட் போட்டிகள் நடைபெறுகின்றன. இந்த டெஸ்ட் தொடர் நவம்பர் 25ஆம் தேதி தொடங்கி டிசம்பர் 7ஆம் தேதி முடிவடைகிறது.

இந்நிலையில் இந்த டெஸ்ட் தொடர் பற்றி நியூசிலாந்து வீரர் டெவோன் கான்வே கூறுகையில், “இந்தியாவை டெஸ்ட் தொடரில் தோற்கடிக்க வேண்டும் என்கிற லட்சியத்துடன் உள்ளோம். இதை நாங்கள் அடையவேண்டும். இங்கிலாந்தை அதன் சொந்த மண்ணில் தோற்கடித்ததை விடவும் இந்தியாவை அதன் சொந்த மண்ணில் தோற்கடிப்பது சவாலானதாகும். அது மிகப்பெரிய சாதனையாக இருக்கும். 

இந்தத் தொடரில் எங்களை நிரூபிக்க முயல்வோம். இந்தியாவில் உங்கள் தடுப்பாட்டம் சிறப்பாக இருக்கவேண்டும். ரன்கள் எடுப்பதற்கான வழிமுறைகள் உங்களிடம் இருக்கவேண்டும். ரன்கள் எடுக்க முயற்சி செய்யாவிட்டால் சிக்கலாகிவிடும். ஒரு திட்டம் வகுத்து அதைப் பின்பற்றவேண்டும். இது மிகவும் சவாலானதாகும்” என்று தெரிவித்துள்ளார்.