தி ஹண்ட்ரெட்: சாம்பியன் பட்டத்தைக் கைப்பற்றியது ட்ரெண்ட் ராக்கெட்ஸ்!

மான்செஸ்டர் ஒரிஜினல்ஸ் அணிக்கெதிரான தி ஹண்ட்ரெட் இறுதிப்போட்டியில் ட்ரெண்ட் ராக்கெட்ஸ் அணி 2 விக்கெட் வித்தியாசத்தில் வெற்றிபெற்று சாம்பியன் பட்டத்தையும் கைப்பற்றியது.

The Hundred 2022: Sam Cook stars as Trent Rockets hoist The Hundred title (Image Source: Google)

இங்கிலாந்தில் நடைபெற்றுவந்த ஹண்ட்ரெட் எனப்படும் 100 பந்துகளைக் கொண்ட கிரிக்கெட் தொடர் நேற்றுடன் நிறைவடைந்தது. இதில் நேற்று நடைபெற்ற இறுதிப்போட்டியில் மான்செஸ்டர் ஒரிஜினல்ஸ் அணி, ட்ரெண்ட் ராக்கெட்ஸ் அணியை எதிர்கொண்டது.

இப்போட்டியில் டாஸ் வென்ர மான்செஸ்டர் ஒரிஜினல்ஸ் அணி முதலில் பேட்டிங் செய்வதாக அறிவித்தது. அதன்படி களமிறங்கிய மான்செஸ்டர் ஒரிஜினல்ஸ் அணியில் பில்ப் சால்ட், லௌரி எவன்ஸ், மேட்சன் ஆகியோர் சொற்ப ரன்களில் ஆட்டமிழந்து வெளியேறினர்.

அதன்பின் களமிரங்கிய டிரிஸ்டன் ஸ்டப்ஸ் - டர்னர் இணை சிறப்பான ஆட்டத்தை வெளிப்படுத்தி ஸ்கோரை உயர்த்தினர். ஸ்டப்ஸ் 18, டர்னர் 26 ரன்களிலும் ஆட்டமிழந்து வெளியேறினர். பின்னர் களமிறங்கிய வீரர்களும் சொற்ப ரன்களோடு வெளியேறினர்.

இதன்மூலம் மான்செஸ்டர் ஒரிஜினல்ஸ் அணி 100 பந்துகளில் 9 விக்கெட்டுகளை இழந்து 120 ரன்களை மட்டுமே எடுத்தது. ராக்கெட்ஸ் அணி தரப்பில் சாம் கூக் 4 விக்கெட்டுகளைக் கைப்பற்றினார். 

இதையடுத்து எளிய இலக்கை நோக்கி களமிறங்கிய ட்ரெண்ட் ராக்கெட்ஸ் அணியில் ஆலெக்ஸ் ஹேல்ஸ், டேவிட் மாலன், கொஹ்லர், சமித் படேல், காலின் முன்ரோ ஆகியோர் சொற்ப ரன்களுக்கு விக்கெட்டை இழந்து ஏமாற்றமளித்தனர்.

இறுதியில் லூயிஸ் கிரிகோரி, டேனியல் சாம்ஸ் ஆகியோர் அதிரடியாக விளையாடி அணியின் வெற்றியை உறுதிசெய்தனர். இதன்மூலம் ட்ரெண்ட் ராக்கெட்ஸ் அணி 2 விக்கெட் வித்தியாசத்தில் மான்செஸ்டர் ஒரிஜினல்ஸ் அணியை வீழ்த்தி சாம்பியன் பட்டத்தையும் கைப்பற்றி அசத்தியது.

Win Big, Make Your Cricket Tales Now