-mdl.jpg "The New York Warriors secured their first victory of the season with a six-run triumph over Morrisvi")
டி20 கிரிக்கெட்டின் வளர்ச்சி தற்பொழுது கிரிக்கெட் உலகெங்கும் பரவ செய்திருக்கிறது. இந்த வகையில் அமெரிக்கா தற்போது கிரிக்கெட்டில் பெரிய ஆர்வம் காட்டி வருகிறது. சில வாரங்களுக்கு முன்பு அமெரிக்காவில் முதல் முறையாக மேஜர் லீக் கிரிக்கெட் என்ற பெயரில் டி20 லீக் நடத்தப்பட்டது. இதில் மொத்தம் ஆறு அணிகள் பங்கேற்றன. இதில் நான்கு அணிகளை ஐபிஎல் தொடர்களில் அணிகளை வாங்கி உள்ள இந்திய முதலாளிகள் வாங்கி இருந்தார்கள். முதல் சாம்பியன் பட்டத்தை மும்பை இந்தியன்ஸ் அணி கைப்பற்றியது குறிப்பிடத்தக்கது.
இந்த நிலையில் அந்தத் தொடர் முடிந்த சூட்டோடு தற்பொழுது அமெரிக்காவில் பத்து ஓவர்கள் கொண்ட யுஎஸ் மாஸ்டர்ஸ் டி10 லீக் நடைபெற்று வருகிறது. இந்தத் தொடரிலும் ஆறு அணிகள் பங்கேற்று விளையாடி வருகின்றன. இதில் நேற்று நடைபெற்ற லீக் ஆட்டத்தில் மோர்ஸ்விலே யுனிட்டி - டெக்ஸாஸ் சார்ஜர்ஸ் அணிகள் பலப்பரீட்சை நடத்தின.
இதில் டாஸ் வென்ற மோர்ஸ்விலே அணியின் கேப்டன் ஹர்பஜன் சிங் டாஸ் வென்று முதலில் பந்துவீச்சை தேர்வு செய்தார். அதன்படி முதலில் பேட்டிங் செய்த டெக்ஸாஸ் சார்ஜர்ஸ் அணிக்கு டேரன் ஸ்டீவன்ஸ் 18 பந்துகளில் நான்கு பவுண்டரி மற்றும் இரண்டு சிக்ஸர்கள் உடன் 36 ரன்கள் எடுத்தார். பத்து ஓவர்கள் முடிவில் அந்த அணி ஏழு விக்கெட் இழப்புக்கு 109 ரன்கள் சேர்த்தது.
