டிஎன்பிஎல் 2022: அருண் கார்த்திக் சதம் வீண்; நெல்லை ராயல் கிங்ஸ் அபார வெற்றி!

மதுரை பாந்தர்ஸுக்கு எதிரான டிஎன்பிஎல் லீக் ஆட்டத்தில் நெல்லை ராயல் கிங்ஸ் அணி 26 ரன்கள் வித்தியாசத்தில் அபார வெற்றியைப் பெற்றது.

TNPL 2022: A superb hundred from Arun Karthik goes in vain; Nellai Royal Kings won by 26 runs (Image Source: Google)

தமிழ்நாடு சூப்பர் லீக் தொடரின் 6ஆவது சீசன் விறுவிறுப்பாக நடந்துவருகிறது. இன்றைய போட்டியில் நெல்லை ராயல் கிங்ஸ் மற்றும் மதுரை பாந்தர்ஸ் அணிகள் ஆடிவருகின்றன. இந்த போட்டியில் டாஸ் வென்ற மதுரை பாந்தர்ஸ் அணி ஃபீல்டிங்கை தேர்வு செய்தது.

அதன்படி முதலில் பேட்டிங் ஆடிய நெல்லை ராயல் கிங்ஸ் அணியின் தொடக்க வீரர் நிரஞ்சன் அதிரடியாக பேட்டிங் ஆடி 27 பந்தில் 47 ரன்களை விளாசினார். பாபா அபரஜித் 27 பந்தில் 34 ரன்கள் அடித்தார். 4ஆம் வரிசையில் இறங்கிய சஞ்சய் யாதவ் நிதானமாக தொடங்கினார். ஆனால் களத்தில் சற்று நிலைத்தபின்னர், அதிரடியாக ஆடி பவுண்டரியும் சிக்ஸருமாக விளாசி அரைசதம் அடித்தார்.

அவருடன் இணைந்து கேப்டன் பாபா அபரஜித்தும் அதிரடியாக ஆடினார். அதிரடியாக ஆடி அரைசதம் அடித்த சஞ்சய் யாதவ் 42 பந்தில் 4 பவுண்டரிகள் மற்றும் 6 சிக்ஸர்களுடன் 70 ரன்களை குவித்தார். இந்திரஜித் 18 பந்தில் 34 ரன்களை விளாச, 20 ஓவரில் 209 ரன்களை குவித்த நெல்லை ராயல் கிங்ஸ் அணி, 210 ரன்கள் என்ற கடின இலக்கை மதுரை பாந்தர்ஸுக்கு நிர்ணயித்தது.

இதையடுத்து களமிறங்கிய மதுரை பாந்தர்ஸ் அணியில் பாலச்சந்தர் அனிரூத் ஒரு ரன்னிலும், ராஜ் குமார் 4 ரன்களிலும் ஆட்டமிழந்து ஏமாற்றமளித்தனர். ஆனாலும் மறுமுனையில் அருண் கார்த்திக் மறுமுனையில் அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினார்.

ஆனாலும் மறுமுனையில் களமிறங்கிய சத்துர்வேத், ஜெகதீஷன் கௌஷிக் என மறுமுனையில் களமிறங்கியவர்கள் அடுத்தடுத்து விக்கெட்டுகளை இழந்தாலும், அருண் கார்த்திக் அபாரமான ஆட்டத்தை வெளிப்படுத்தி சதமடித்து அசத்தினார். 

இருப்பினும் 20 ஓவர்கள் முடிவில் மதுரை பாந்தர்ஸ் அணியால் 183 ரன்கள் மட்டுமே எடுக்க முடிந்தது. இதில் அதிகபட்சமாக அருண் கார்த்திக் 106 ரன்களைச் சேர்த்தார். இதன்மூலம் நெல்லை ராயல்ஸ் கிங்ஸ் அணி 26 ரன்கள் வித்தியாசத்தில் மதுரை பாந்தர்ஸ் அணியை வீழ்த்தியது.

Win Big, Make Your Cricket Tales Now