ட்விட்டரில் வைரலாகும் மனீஷ் பாண்டே ஹேஷ்டேக்; இனி இவருக்கு வாய்ப்பு அவ்வளவு தான்!
இந்திய அணியில் தனக்கான இடத்தை தக்கவைக்க துடிக்கும் மனீஷ் பாண்டே, அவருக்கு கிடைத்த மற்றொரு வாய்ப்பை வீணடித்துவிட்டு தற்போது ரசிகர்களால் ட்ரோல் செய்யப்பட்டு வருகிறார்.
அந்தவகையில், முதல் இரண்டு போட்டிகளில் ஆட வாய்ப்பு கிடைக்காத சஞ்சு சாம்சன், நிதிஷ் ராணா, கிருஷ்ணப்பா கௌதம், சேத்தன் சக்காரியா ஆகிய 4 வீரர்களும் இன்று நடந்துவரும் 3வது ஒருநாள் போட்டியில் இந்திய அணொக்காக அறிமுகமாகினர். இதில் தனக்கான வாய்ப்பை சரியாக பயன்படுத்திய சஞ்சு சாம்சன் சிறப்பாக விளையாடி 46 ரன்கள் அடித்து அரைசதத்தை தவறவிட்டு ஆட்டமிழந்தார்.
Trending
மேலும் இத்தொடரில் இஷான் கிஷன், சஞ்சு சாம்சன், பிரித்வி ஷா ஆகிய இளம் வீரர்கள் அனைவரும் கிடைக்கும் வாய்ப்புகளை அருமையாக பயன்படுத்தி, நன்றாக விளையாடி தங்களுக்கான வாய்ப்பை உறுதி செய்து வருகின்றனர்.
ஆனால் பல ஆண்டுகளாக இந்திய அணிக்காக விளையாடிவரும் மனீஷ் பாண்டே, சர்வதேச போட்டிகளில் இந்திய அணியில் ஆட கிடைக்கும் வாய்ப்பு எதையுமே சரியாக பயன்படுத்துவதில்லை என்ற குற்றச்சாட்டு நீண்ட நாள்களாக பேசப்பட்டு வருகிறது.
அவருக்கு அவ்வப்போது இந்திய அணியில் மிடில் ஆர்டரில் ஆடும் வாய்ப்பு தொடர்ந்து வழங்கப்பட்டுவருகிறது. ஆனாலும் நம்பிக்கை வைத்து அணி நிர்வாகம் அளிக்கும் வாய்ப்புகளை அவர் தொடர்ந்து வீணடித்துவருகிறார்.
அதற்கேற்றாற்போல் இந்த தொடரிலும் முதல் 2 போட்டிகளிலுமே சரியாக ஆடாத அவருக்கு, இன்றைய போட்டியிலும் வாய்ப்பு வழங்கப்பட்டது. ஆனால் இந்த போட்டியிலும் சொதப்பலான ஆட்டத்தை வெளிப்படுத்திய மனீஷ் பண்டே19 பந்தில் 11 ரன்னுக்கு ஆட்டமிழந்து வெளியேறினார்.
இதனால் தொடர்ந்து சொதப்பிவரும் மனீஷ் பாண்டேவை அணியிலிருந்து நீக்கி அந்த வாய்ப்பை ஃபார்மிலுள்ள இளம் வீரர்களுக்கு வழங்கவேண்டும் என்ற குரல் சமூக வலைதளங்களில் அதிகரித்துள்ளது. மேலும் ட்வீட்டர் பக்கத்தில் #Manishpandey என்ற ஹேஷ்டேக்கும் வைரலாகி வருகிறது.
Win Big, Make Your Cricket Tales Now
