அண்டர் 19 உலகக்கோப்பை: துனித் வெல்லலகே அபாரம்; இலங்கை வெற்றி!
அண்டர் 19 உலகக்கோப்பை: ஸ்காட்லாந்து அணியை 40 ரன்கள் வித்தியாசத்தில் வீழ்த்தியது இலங்கை அண்டர் 19 அணி.
இப்போட்டியில் டாஸ் வென்று முதலில் பேட்டிங் செய்த இலங்கை அணிக்கு சகுன லியனகேவின் அரைசதம் அடித்து உதவினார். இதனால் மூலம் 45.2 ஓவர்களில் அனைத்து விக்கெட்டுகளையும் இழந்து 218 ரன்களைச் சேர்த்தது.
Trending
இதில் சகுன லியனகே 85 ரன்களைச் சேர்த்து சதமடிக்கும் வாய்ப்பை தவறவிட்டார். ஸ்காட்லாந்து அணி தரப்பில் சீன் பிஷ்ஷர் கியோக் 3 விக்கெட்டுகளைக் கைப்பற்றினார்.
இதையடுத்து வெற்றி இலக்கைத் துரத்திய ஸ்காட்லாந்து அணி தொடக்கம் முதலே சீரான இடைவேளையில் விக்கெட்டுகளை இழந்து தடுமாறியது. பின் ஐந்தாவது விக்கெட்டுக்கு களமிறங்கிய ஜேக் ஜார்விஸ் சிறப்பான ஆட்டத்தை வெளிப்படுத்தி அரைசதம் கடந்தார்.
அதன்பின் ஜார்விஸ் 55 ரன்களில் ஆட்டமிழக்க, பின்னர் வந்த வீரர்களும் சொற்ப ரன்களில் விக்கெட்டை இழந்தனர். இதனால் 48.4 ஓவர்களில் ஸ்காட்லாந்து அணி அனைத்து விக்கெட்டுகளையும் இழந்து 178 ரன்களை மட்டுமே சேர்த்தது.
இலங்கை அணி தரப்பில் கேப்டன் துனித் வெல்லலகே 5 விக்கெட்டுகளைக் கைப்பற்றி வெற்றிக்கு உதவினார். இதன்மூலம் இலங்கை அண்டர் 19 அணி 40 ரன்கள் வித்தியாசத்தில் ஸ்காட்லாந்து அண்டர் 19 அணியை வீழ்த்தி வெற்றிபெற்றது.
Win Big, Make Your Cricket Tales Now
