UAE vs BAN, 1st T20I: ஐக்கிய அரபு அமீரகத்தை வீழ்த்தி வங்கதேசம் த்ரில் வெற்றி!

ஐக்கிய அரபு அமீரக அணிக்கெதிரான முதல் டி20 போட்டியில் வங்கதேச அணி 7 ரன்கள் வித்தியாசத்தில் த்ரில் வெற்றியைப் பெற்று அசத்தியது.

UAE vs BAN, 1st T20I: UAE put up a stiff fight, but Bangladesh emerge on top in Dubai (Image Source: Google)

ஐக்கிய அரபு அமீரகத்தில் சுற்றுப்பயணம் மேற்கொண்டுள்ள வங்கதேச அணி தற்போது டி20 தொடரில் விளையாடி வருகிறது. இதில் நேற்று துபாயில் நடைபெற்ற முதல் போட்டியில் டாஸ் வென்ற அமீரக அணி முதலில் பந்துவீச தீர்மானித்தது.

அதன்படி களமிறங்கிய வங்கதேச அணியில் சபிர், மெஹிதி ஹசன், லிட்டன் தாஸ், யாசிர் அலி என முன்னணி வீரர்கள் சொற்ப ரன்களில் ஆட்டமிழந்து நடையைக் கட்டினர். ஆனாலும் அஃபிஃப் ஹொசைன் அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தியதுடன், அரைசதம் கடந்தும் அசத்தினார்.

அவருக்கு துணையாக விளையாடிய நூருல் ஹசனும் 35 ரன்களைச் சேர்த்து அசத்தினார். இதன்மூலம் 20 ஓவர்கள் முடிவில் வங்கதேச அணி 5 விக்கெட் இழப்பிற்கு 158 ரன்களைச் சேர்த்தனர். 

இதையடுத்து இலக்கை துரத்திய ஐக்கிய அரபு அமீரக அணியில் முகமது வாசீம் 15 ரன்களிலும், கிரேக் சூரி 39 ரன்களிலும், ஆர்யன் லக்ரா 19, வித்யா அரவிந்த் 16 ரன்கள் அடுத்தடுத்து விக்கெட்டுகளை இழந்தனர். 

பின்னர் களமிறங்கிய வீரர்களும் வங்கதேச அணியின் பந்துவீச்சை சமாளிக்க முடியாமல் அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர். 

இதனால் 19.4 ஓவர்களில் ஐக்கிய அரபு அமீரக அணி அனைத்து விக்கெட்டுகளையும், 151 ரன்களை மட்டுமேச் சேர்த்தனர். இதன்மூலம் வங்கதேச அணி 7 ரன்கள் வித்தியாசத்தில் த்ரில் வெற்றியைப் பெற்று அசத்தினர்.