ராயல் லண்டன் ஒருநாள் கோப்பை: ஐந்து விக்கெட்டுகளை வீழ்த்தி மிரட்டிய உமேஷ் யாதவ்!

தர்ஹாம் அணிக்கெதிரான ராயல் லண்டன் ஒருநாள் கோப்பை லீக் ஆட்டத்தில் மிடில்செக்ஸ் அணிக்காக விளையாடி வரும் இந்திய வேகப்பந்து வீச்சாளர் உமேஷ் யாதவ் 5 விக்கெட்டுகளைக் கைப்பற்றி அசத்தினார்.

Umesh Yadav Wreaks Havoc In England, Scalps 5 Wickets At 3.53 Economy; Watch Video Here (Image Source: Google)

இங்கிலாந்தின் உள்ளூர் கிரிக்கெட் தொடர்களில் ஒன்றான ராயல் லண்டன் ஒருநாள் கோப்பை தொடரின் நடப்பாண்டு சீசன் நடைபெற்று வருகிறது. இதில் நேற்று நடைபெற்ற லீக் ஆட்டத்தில் தர்ஹாம் அணி, மிடில்செக்ஸ் அணியை எதிர்கொண்டது. இதில் இந்திய அணியின் வேகப்பந்து வீச்சாளர் உமேஷ் யாதவ் மிடிசெக்ஸ் அணிக்காக களமிறங்கினார். 

இப்போட்டியில் டாஸ் வென்று முதலில் பேட்டிங் செய்த தர்ஹாம் அணியின் தொடக்க வீரர் கரம் கிளார்க் (0), கேப்டன் போர்த்விக் ஆகியோரை உமேஷ் யாதவ் அடுதடுத்த ஓவர்களில் வீழ்த்தி அசத்தினார்.

அதன்பின் ஜோடி சேர்ந்த அலெக்ஸ் லீஸ் - மைக்கேல் ஜோன்ஸ் இணை சிறப்பான ஆட்டத்தை வெளிப்படுத்தி ஸ்கோரை உயர்த்தினர். பின்னர் 66 ரன்கள் எடுத்திருந்த அலெக்ஸ் லீஸ் விக்கெட்டை இழக்க மறுமுனையிலிருந்த் மைக்கேல் ஜோன்ஸ் சதமடித்தார். பின் அவரும் 119 ரன்களில் விக்கெட்டை இழந்தார்.

அதனைத் தொடர்ந்து களமிறங்கிய வீரர்கள் உமேஷ் யாதவின் அபாரமான பந்துவீச்சை சமாளிக்க முடியாமல் அடுத்தடுத்து விக்கெட்டுகளை இழந்தனர். இதனால் 49.2 ஓவர்களில் தர்ஹாம் அணி அனைத்து விக்கெட்டுகளையும் இழந்து 268 ரன்களை மட்டுமே சேர்த்தது.

இப்போட்டியில் அபாரமான ஆட்டத்தை வெளிப்படுத்தி உமேஷ் யாதவ் 9.2 ஓவர்கள் வீசி 33 ரன்களை மட்டுமே கொடுத்து 5 விக்கெட்டுகளை வீழ்த்தினார். இதில் அவரது எகானமி 3.50 மட்டுமே.

இதையடுத்து இலக்கை துரத்திய மிடில்செக்ஸ் அணியில் ஸ்டீஃபன் எஸ்கின்ஸி சதமடித்ததுடன் இறுதிவரை ஆட்டமிழக்காமல் 146 ரன்களை விளாசினார். அவருக்கு துணையாக விளையாடிய மார்க் ஸ்டோன்மேன் 62 ரன்களையும், சாம் ராப்சன் 55 ரன்களையும் சேர்த்தனர்.

 

இதன்மூலம் மிடில்செக்ஸ் அணி 41.4 ஓவர்களிலேயே இலக்கை எட்டி, 9 விக்கெட் வித்தியாசத்தில் தர்ஹாம் அணியை வீழ்த்தியது. இப்போட்டியில் அபாரமாக செயல்பட்டு 5 விக்கெட்டுகளை வீழ்த்திய உமேஷ் யாதவின் பந்துவீச்சு காணொளி சமூக வலைதளங்களில் வைரலாகி வருகிறது.

Win Big, Make Your Cricket Tales Now