ஐபிஎல் 2021: நூழிலையில் தப்பிய தினேஷ் கார்த்திக் - வைரல் காணொளி!

டெல்லி கேப்பிட்டல்ஸ் அணிக்கெதிரான போட்டியில் தினேஷ் கார்த்திக் நூழிலையில் ரிஷப் பந்த் பேட்டிலிருந்து தப்பிய காணொளி சமூக வலைதளங்களில் வைரலாகி வருகிறது.

VIDEO: Rishabh Pant Almost Knocks Dinesh Karthik Out With Wild Bat Swing (Image Source: Google)

ஐபிஎல் தொடரின் 41ஆவது லீக் போட்டி சார்ஜா மைதானத்தில் நடைபெற்று முடிந்தது. இந்த போட்டியில் ஈயான் மோர்கன் தலைமையிலான கொல்கத்தா நைட் ரைடர்ஸ் அணி 3 விக்கெட் வித்தியாசத்தில் ரிஷப் பண்ட் தலைமையிலான டெல்லி கேப்பிடல்ஸ் அணியை வீழ்த்திஅபார வெற்றி பெற்றது.

இந்நிலையில் இந்த போட்டியின் போது டெல்லி அணியின் பேட்ஸ்மேனான ரிஷப் பண்ட் தற்செயலாக தினேஷ் கார்த்திக்கை பேட்டால் தாக்க சென்ற சம்பவம் தற்போது இணையத்தில் வைரலாகி வருகிறது. அதன்படி போட்டியின் 17ஆவது ஓவரில் வருண் சக்கரவர்த்தி பந்துவீச அப்போது வழக்கம்போல தினேஷ் கார்த்திக் பின்னால் நின்று அறிவுரை சொல்லிக் கொண்டிருந்தார். இதனால் அடுத்த பந்தை ரிஷப் பண்ட் அதிரடியாக அடிக்க முயன்றார்.

ஆனால் பந்து அவரது பேட்டில் உட்புறமாக பட்டு ஸ்டம்பை நோக்கி சென்றது. உடனே பந்து ஸ்டம்பில் படக்கூடாது என்று பேட்டை சுழற்றினார். மேலும் தினேஷ் கார்த்திக் உள்ளே வருவதை பண்ட் சற்றும் எதிர்பார்கவில்லை.

 

WATCH OUT, DK!

Dinesh Karthik takes evasive action as Rishabh Pant, fearing the ball will drop onto his stumps, swings his bat close to the wicketkeeper!
#KKRvDC #IPL2021 pic.twitter.com/ca34QHVOVp

— Asmin Chhetri (@imasmin18) September 28, 2021

ஆனாலும் தற்செயலாக பேட்டை முழுவதுமாக சுழற்றி முடித்தார். அப்போது அதனை கண்ட கார்த்திக் அதை சுதாரித்து பின்னால் விழுந்து தப்பித்தார். இது குறித்த காணொளி தற்போது இணையத்தில் வைரலாகி வருவது குறிப்பிடத்தக்கது.

Win Big, Make Your Cricket Tales Now