விஜய் ஹசாரே கோப்பை: மீண்டும் சதம் விளாசிய ருதுராஜ்; மத்திய பிரதேசத்திற்கு நான்காவது வெற்றி!

சண்டிகர் அணிக்கெதிரான விஜய் ஹசாரே கோப்பை ஒருநாள் கிரிக்கெட் தொடரின் லீக் ஆட்டத்தில் மத்திய பிரதேச அணி 5 விக்கெட் வித்தியாசத்தில் வெற்றிபெற்றது.

Vijay Hazare Trophy: Ruturaj Gaikwad smashes 4th century in 5 matches; joins Virat Kohli, Prithvi Sh (Image Source: Google)

விஜய் ஹசாரே கோப்பை தொடரில் இன்று நடைபெற்ற 5ஆவது சுற்று ஆட்டத்தில் மத்திய பிரதேசம் - சண்டிகர் அணிகள் பலப்பரீட்சை நடத்தின. இதில் டாஸ் வென்ற மத்திய பிரதேசம் முதலில் பந்துவீச முடிவு செய்தது.

அதன்படி களமிறங்கிய சண்டிகர் அணிக்கு கேப்டம் மனன் வோரா அதிரடியான தொடக்கத்தைக் கொடுத்தார்.     139 பந்துகளை எதிர்கொண்ட வோரா 2 சிக்சர், 13 பவுண்டரிகள் என 141 ரன்களைச் சேர்த்தார். 

அவருக்கு துணையாக அர்ஸ்லன் கான் 87 ரன்களையும், அங்கித் கௌஷிக் 56 ரன்களையும் சேர்த்தனர். இதன்மூலம் 50 ஓவர்கள் முடிவில் 7 விக்கெட் இழப்பிற்கு 309 ரன்களைச் சேர்த்தது. 

இதையடுத்து இமாலய இலக்கை துரத்திய மத்திய பிரதேச அணியில் கேப்டன் ருதுராஜ் கெய்க்வாட் வழக்கம் போல தனது அதிரடியான ஆட்டத்தை வெளிப்படுத்தினார். 

தொடர்ந்து அதிரடியில் மிரட்டி வந்த கெய்க்வாட் சதமடித்ததுடன், 132 பந்துகளில் 12 பவுண்டரி, 6 சிக்சர்களை விளாசி 168 ரன்களைச் சேர்த்தார். இந்த தொடரில் ருதுராக் கெய்க்வாட் விளாசும் 4ஆவது சதம் இதுவாகும். 

இறுதியில் அஸிம் காஸி அதிரடியாக விளையாடி 73 ரன்களைச் சேர்த்து அணிக்கு வெற்றியைத் தேடித்தந்தார். இதன்மூலம் மத்திய பிரதேச அணி 5 விக்கெட் வித்தியாசத்தில் சண்டிகர் அணியை வீழ்த்தி அபார வெற்றிபெற்றது. 

Win Big, Make Your Cricket Tales Now