பிஎஸ்எல் 2022: கேட்ச்சை கோட்ட விட்ட கடுப்பில் கண்ணத்தில் அறைந்த ராவுஃப்!

பாகிஸ்தான் சூப்பர் லீக் தொடரில், தனது பந்துவீச்சில் கேட்ச்சை தவறவிட்ட வீரரின் கன்னத்தில் ஹாரிஸ் ராவுஃப் அறைந்த சம்பவம் அதிர்ச்சியளித்தது.

பாகிஸ்தான் சூப்பர் லீக் தொடரில் பெஷ்வர் ஸால்மி மற்றும் லாகூர் காலந்தர்ஸ் அணிகளுக்கு இடையேயான லீக் போட்டியில் முதலில் பேட்டிங் ஆடிய பெஷ்வர் அணி 20 ஓவரில் 158 ரன்கள் அடித்தது. 159 ரன்கள் என்ற இலக்கை விரட்டிய லாகூர் அணியும் 20 ஓவரில் சரியாக 158 ரன்கள் அடிக்க, ஆட்டம் டை ஆனது.

இதையடுத்து சூப்பர் ஓவர் வீசப்பட்டது. சூப்பர் ஓவரில் முதலில் பேட்டிங் ஆடிய லாகூர் அணி சூப்பர் ஓவரில் வெறும் 5 ரன்கள் மட்டுமே அடிக்க, 6 ரன்கள் என்ற இலக்கை முதல் 2 பந்தில் அடித்து பெஷ்வர் அணி வெற்றி பெற்றுவிட்டது.

இந்த போட்டியில் பெஷ்வர் அணி முதலில் பேட்டிங் ஆடியபோது, லாகூர் அணி சார்பில் 2ஆவது ஓவரை வீசிய ஹாரிஸ் ராவுஃப், அந்த ஓவரின் 5வது பந்தில் முகமது ஹாரிஸை வீழ்த்தினார். அதே ஓவரில் 3 பந்துகளுக்கு முன்பாக ஹாரிஸ் ராவுஃபின் பந்துவீச்சில் ஹஸ்ரதுல்லா ஸஸாயின் கேட்ச்சை காம்ரான் குலாம் என்ற வீரர் தவறவிட்டார்.

அந்த கடுப்பில் இருந்த ஹாரிஸ் ராவுஃப், அதே ஓவரில் முகமது ஹாரிஸின் விக்கெட்டை வீழ்த்திய பின்னர், அந்த விக்கெட்டை கொண்டாடியபோது, மகிழ்ச்சியை பகிர்ந்துகொள்ள வந்த காம்ரான் குலாமை கன்னத்தில் அறைந்தார் ஹாரிஸ் ராவுஃப். அதற்கு 3 பந்துகளுக்கு முன் தனது பவுலிங்கில் கேட்ச்சை கோட்டைவிட்ட கோபத்தில் இருந்த ஹாரிஸ் ராவுஃப், காம்ரான் குலாமின் கன்னத்தில் அறைந்தார். 

 

Pacer Haris Rauf slapped Kamran Ghulam for dropping a catch during the PSL match between Lahore Qalandars & Peshawar Zalmi #PSL2022 pic.twitter.com/Hrjuen75A8

— Murtaza Ali Shah (@MurtazaViews) February 21, 2022

ஆனால் காம்ரான் குலாம் அதை சீரியஸாக எடுத்துக்கொள்ளாமல் அவரை கட்டிப்பிடித்து, அதை ஜாலியாக எடுத்துக்கொண்டார். ஆனால் மற்ற வீரர்கள் சற்றே அதிர்ச்சியடைந்துதான் போனார்கள். அந்த காணொளி சமூக வலைதளங்களில் வைரலாகிவருகிறது.