எதிர்பாராத விதமாக விக்கெட்டை இழந்த ஸ்மித்; வைரலாகும் காணொளி!
இந்திய அணிக்கு எதிரான நான்காவது டெஸ்ட் போட்டியில் சதமடித்து அசத்திய ஸ்டீவ் ஸ்மித் எதிர்பாராத விதமாக விக்கெட்டை இழந்த காணொளி இணையத்தில் வைரலாகி வருகிறது.
ஆஸ்திரேலியா - இந்தியா அணிகளுக்கு இடையெயான நான்காவது டெஸ்ட் போட்டி மெல்போர்ன் கிரிக்கெட் மைதானத்தில் நடைபெற்று வருகிறது. இதில் டாஸ் வென்று முதலில் பேட்டிங் செய்த ஆஸ்திரேலிய அணியில் நட்சத்திர வீரர் ஸ்டீவ் ஸ்மித் சதமடித்து அசத்தினார். அதேசமயம் சாம் கொன்ஸ்டாஸ், உஸ்மான் கவாஜா மற்றும் மார்னஸ் லபுஷாக்னே ஆகியோர் அரைசதங்களையும் கடந்து அசத்தினர்.
இதில் அதிகபட்சமாக ஸ்டீவ் ஸ்மித் 13 பவுண்டரி, 3 சிக்ஸர்கள் என 140 ரன்களையும், மார்னஸ் லபுஷாக்னே 72 ரன்களையும் அறிமுக வீரர் சாம் கொன்ஸ்டாஸ் 6 பவுண்டரி, 2 சிக்ஸர்கள் என 60 ரன்களையும் சேர்த்தனர். இதனால் ஆஸ்திரேலிய அணி முதல் இன்னிங்ஸில் அனைத்து விக்கெட்டுகளையும் இழந்து 474 ரன்களுக்கு ஆல் அவுட்டானது. இந்திய அணி தரப்பில் ஜஸ்பிரித் பும்ரா 4 விக்கெட்டுகளையும், ரவீந்திர ஜடேஜா 3 விக்கெட்டுகளையும், ஆகாஷ் தீப் 2 விக்கெட்டுகளையும் கைப்பற்றினர்.
Trending
இதனையடுத்து முதல் இன்னிங்ஸைத் தொடங்கிய இந்திய அணிக்கு கேப்டன் ரோஹித் சர்மா மற்றும் யஷஸ்வி ஜெய்ஸ்வால் இணை தொடக்கம் கொடுத்தனர். இதில் பெரிதும் எதிர்பார்க்கப்பட்ட கேப்டன் ரோஹித் சர்மா இப்போட்டியிலும் சொற்ப ரன்களில் விக்கெட்டை இழந்து ஏமாற்றமளித்தார். இதனையடுத்து ஜோடி சேர்ந்துள்ள யஷஸ்வி ஜெய்ஸ்வால் மற்றும் கேஎல் ராகுல் இணை பொறுப்புடன் விளையாடி அணியின் விக்கெட் இழப்பை தடுத்து வருகின்றனர்.
இந்நிலையில், இப்போட்டியில் அபாரமாக விளையாடிய வந்த ஸ்டீவ் ஸ்மித் 140 ரன்களை எடுத்திருந்த நிலையில் எதிர்பாராத விதமாக போல்டாகினார். அதன்பின் ஆகாஷ் தீப் வீசிய இன்னிங்ஸின் 115ஆவது ஓவரின் முதல் பந்தையே ஸ்டீவ் ஸ்மித் அடித்து ஆடும் முயற்சியில் இறங்கி வந்து ஆட முயன்றார். ஆனால் பந்து அவர் எதிர்பார்த்ததை விட கூடுதல் பவுன்சாகிட, அதனை சற்றும் எதிர்பாராத ஸ்டீவ் ஸ்மித் பேட்டை விசிறினார்.
Oh dear Steve Smith!
— cricket.com.au (@cricketcomau) December 27, 2024
That is as bizarre as it gets #AUSvIND pic.twitter.com/ZDUWggwBq4
Also Read: Funding To Save Test Cricket
ஆனால் பந்து பேட்டின் பக்கவாட்டில் பட்டதுடன், ஸ்டம்பை நோக்கி உருண்டது. ஒருகணம் ஸ்டீவ் ஸ்மித் அந்த பந்தை தடுத்து விடுவார் என எதிர்பார்த்த நிலையில், அவர் கிரீஸை விட்டு தள்ளி இருந்த காரணத்தல் அந்த பந்து ஸ்டம்பை தாக்கியது. இதனால் பெரும் ஏமாற்றமடைந்த ஸ்டீவ் ஸ்மித் சோகத்துடன் பெவிலியன் திரும்பினார். இந்நிலையில் ஸ்டீவ் ஸ்மித் விக்கெட்டை இழந்தது குறித்த காணொளி இணையத்தில் வைரலாகி வருகிறது.
Win Big, Make Your Cricket Tales Now
