இப்போட்டியில் வெற்றி பெற்றது மிகவும் அற்புதமான ஒன்று - ருதுராஜ் கெய்க்வாட்!
சொந்த மைதானத்தில் நடைபெறும் கடசி லீக் போட்டியில் வெற்றிபெற்றது மிகவும் அற்புதமானது என சிஎஸ்கே அணி கேப்டன் ருதுராஜ் கெய்க்வாட் தெரிவித்துள்ளார்.
சென்னை சூப்பர் கிங்ஸ் - ராஜஸ்தான் ராயல்ஸ் அணிகளுக்கு இடையேயான ஐபிஎல் லீக் போட்டி சென்னையில் உள்ள எம் ஏ சிதம்பரம் மைதானத்தில் நடைபெற்றது. இப்போட்டியில் டாஸ் வென்று முதலில் பேட்டிங் செய்த ராஜஸ்தான் ராயல்ஸ் அணி 20 ஓவர்கள் முடிவில் 5 விக்கெட்டுகள் இழப்பிற்கு 141 ரன்களை மட்டுமே எடுத்தது. இதில் அதிகபட்சமாக ரியான் பராக் 47 ரன்களையும், துருவ் ஜூரெல் 28 ரன்களையும் சேர்த்தனர். சிஎஸ்கே அணி தரப்பில் அபாரமாக பந்துவீசிய சிமர்ஜீத் சிங் 3 விக்கெட்டுகளையும், துஷார் தேஷ்பாண்டே 2 விக்கெட்டுகளையும் கைப்பற்றினர்.
இதனையடுத்து இலக்கை நோக்கி விளையாடிய சென்னை சூப்பர் கிங்ஸ் அணியும் தடுமாற்றமான பேட்டிங்கை வெளிப்படுத்தி சீரான இடைவேளையில் விக்கெட்டுகளை இழந்து பெவிலியனுக்கு நடையைக் கட்டினர். இருப்பினும் இதில் இறுதிவரை ஆட்டமிழக்காமல் இருந்த கேப்டன் ருதுராஜ் கெய்க்வாட் 42 ரன்களையும், அவருக்கு துணையாக சமீர் ரிஸ்வி 15 ரன்களையும் சேர்த்து அணிக்கு வெற்றியைத் தேடிக்கொடுத்தனர். இதன்மூலம் சிஎஸ்கே அணி 18.2 ஓவர்களில் இலக்கை எட்டியதுடன் 5 விக்கெட் வித்தியாசத்தில் வெற்றிபெற்று அசத்தியது. இப்போட்டியில் அபாரமாக பந்துவீசிய சிமர்ஜீத் சிங் ஆட்டநாயகன் விருதை வென்றார்.
Trending
இந்நிலையில் இப்போட்டியின் வெற்றி குறித்து பேசிய சிஎஸ்கே கேப்டன் ருதுராஜ் கெய்க்வாட், “இப்போட்டியில் வெற்றி பெற்றது மிகவும் அற்புதமான ஒன்று. அதிலும் குறிப்பாக சொந்த மைதானத்தில் நடைபெறும் கடசி லீக் போட்டியில் வெற்றிபெற்றது மிகவும் அற்புதமானது. பவர்பிளே ஓவர்களுக்கு பிறகு அதிரடியாக விளையாடி ஸ்கோரை உயர்த்த முயற்சிசெய்தோம். ஆனால் எதிரணி வீரர்கள் ஒருசில விக்கெட்டுகளை கைப்பற்றினர். ஆனாலும் எங்களிடன் அழுத்ததிலும் சிறப்பாக விளையாடக்கூடிய பேட்டர்கள் இருந்தனர்.
மேலும் எங்கள் பந்துவீச்சாளர்களுக்கும், சுழற்பந்து வீச்சாளர்களுக்கும் ஏற்றவாறான ஆடுகளங்களில் நாங்கள் விளையாட விரும்புகிறோம். பொதுவாக மைதானம் மெதுவாக இருக்கும் போது விக்கெட்டுக்குள் பந்து வீசுவதுதான் எங்களது திட்டமாக இருந்தது. ஆனால் சில நேரங்களில் பிட்சிற்கு தகுந்தார் போல் யார்க்கர் மற்றும் இரண்டு ஷார்ட் பந்துகளை வீசுவது முக்கியமானது என்று தெரியும். இருப்பினும் இதுபோன்ற மைதானங்களில் மெதுவான வேகம் பந்துகளை வீசுவது என்பது ஒரு தந்திரமான செயலாகும்” என்று தெரிவித்துள்ளார்.
Win Big, Make Your Cricket Tales Now
