WC Qualifier: வங்கதேசத்தை வீழ்த்தி வெஸ்ட் இண்டீஸ் வெற்றி!
வங்கதேச மகளிர் அணிக்கு எதிரான உலகக்கோப்பை தகுதிச்சுற்று ஆட்டத்தில் வெஸ்ட் இண்டீஸ் மகளிர் அணி 3 விக்கெட் வித்தியாசத்தில் வெற்றிபெற்றது.
அதன்படி களமிறங்கிய வங்கதேச அணியின் தொடக்க வீராங்கனை சோபனா மொஸ்டரி 6 ரன்களில் ஆட்டமிழந்து ஏமாற்றமளித்தார். அதன்பின் ஜோடி சேர்ந்த ஃபர்ஹானா ஹக் - ஷர்மின் அக்தர் ஆகியோர் சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் ஷர்மின் அக்தர் தனது அரைசதத்தைப் பூர்த்தி செய்து அசத்தினார். இதன்மூலம் இருவரின் பார்ட்னர்ஷிப்பும் 100 ரன்களை கடந்த நிலையில் ஃபர்ஹானா ஹக் 3 பவுண்டரிகளுடன் 42 ரன்களிலும், ஷர்மின் அக்தர் 10 பவுண்டரிகளுடன் 67 ரன்களிலும் என அடுத்தடுத்து விக்கெட்டுகளை இழந்தனர்.
Also Read
அதன்பின் களமிறங்கிய கேப்டன் நிகர் சுல்தானா 5 ரன்னிலும், ரிது மோனி 15 ரன்னிலும், ஷொர்னா அக்தர் 6 ரன்னிலும், ஃபஹிமா கதும் 9 ரன்னிலும் என விக்கெட்டை இழக்க அடுத்து வந்த வீராங்கனைகளில் நஹிதா அக்தர் 25 ரன்னிலும், ரபேயா கான் 23 ரன்களையும் சேர்த்ததை தவிர்த்து மற்ற வீராங்கனைகள் சோபிக்க தவறினர். இதனால் வங்கதேச மகளிர் அணி 50 ஓவர்கள் முடிவில் 9 விக்கெட்டுகளை இழந்து 227 ரன்களைச் சேர்த்தது. வெஸ்ட் இண்டீஸ் தரப்பில் அலியா அலீன் 4 விக்கெட்டுகளையும், ஹீலி மேத்யூஸ், அஃபி ஃபிளெட்சர் தலா 2 விக்கெட்டுகளையும் கைப்பற்றினர்.
இதையடுத்து இலக்கை நோக்கி களமிறங்கிய வெஸ்ட் இண்டீஸ் அணியில் தொடக்க வீராங்கனை ஸைதா ஜேம்ஸ் 9 ரன்களில் விக்கெட்டை இழக்க அவரைத்தொடர்ந்து கியியானா ஜோசப் 4 பவுண்டரி, ஓரு சிக்ஸர் என 31 ரன்னிலும், ஷமைன் காம்பெல் 24 ரன்னிலும் என ஆட்டமிழந்தனர். அதன்பின் களமிறங்கிய ஸ்டெஃபானி டெய்லர் 36 ரன்களையும், கேப்டன் ஹீலி மேத்யூஸ் 33 ரன்களிலும் என விக்கெட்டுகளை இழந்து பெவிலியன் திரும்பினர். இதையடுத்து களமிறங்கிய சினெல்லே ஹென்றி - ஷபிகா கஜ்னபி இணை சிறப்பான ஆட்டத்தை வெளிப்பட்த்தி ஸ்கோரை உயர்த்தினர்.
Also Read: Funding To Save Test Cricket
இதில் இருவரும் இணைந்து 50 ரன்கள் பார்ட்னர்ஷிப் அமைத்த நிலையில் கஜ்னபி 20 ரன்னிலும், அலியா அலீன் 11 ரன்னிலும் என விக்கெட்டுகளை இழந்தனர். இருப்பினும் இப்போட்டியில் இறுதிவரை ஆட்டமிழக்காமல் இருந்த சினெல்லே ஹென்றி தனது அரைசதத்தைப் பூர்த்தி செய்ததுடன் 5 பவுண்டரி, 2 சிக்ஸர்கள் என 51 ரன்களைச் சேர்த்து அணிக்கு வெற்றியைத் தேடிக்கொடுத்தார். இதன்மூலம் வெஸ்ட் இண்டிஸ் மகளிர் அணி 46 ஓவர்களிலேயே இலக்கை எட்டியதுடன் 3 விக்கெட் வித்தியாசத்தில் வங்கதேச மகளிர் அணியை வீழ்த்தி வெற்றிபெற்றது.
Win Big, Make Your Cricket Tales Now
