SA vs WI, 1st Test: இரண்டாது இன்னிங்ஸில் சரியும் தென் ஆப்பிரிக்கா; தாக்குப்பிடிக்கும் மார்க்ரம்!

வெஸ்ட் இண்டீஸுக்கு எதிரான டெஸ்ட் போட்டியின் இரண்டாம் நாள் ஆட்டநேர முடிவில் தென் ஆப்பிரிக்க அணி 49 ரன்களுக்கு 4 விக்கெட்டுகளை இழந்து தடுமாறியுள்ளது.

West Indies pulled things back in Centurion with the quicks sharing four wickets between them in the (Image Source: Google)

தென் ஆப்பிரிக்காவில் சுற்றுப்பயணம் மேற்கொண்டுள்ள வெஸ்ட் இண்டீஸ் அணி இரண்டு போட்டிகள் கொண்ட டெஸ்ட் தொடரில் விளையாடுகிறது. இதில் இரு அணிகளுக்கும் இடையேயான முதலாவது டெஸ்ட் போட்டி செஞ்சூரியனில் இன்று தொடங்கியது. இப்போட்டியில் டாஸ் வென்ற தென் ஆப்பிரிக்க அணி முதலில் பேட்டிங் செய்ய தீர்மானித்தது.

அதன்படி களமிறங்கிய தென் ஆப்பிரிக்க அணி ஐடன் மார்க்ரமின் அபார சதத்தின் மூலம் முதல்நாள் ஆட்டநேர முடிவில், 8 விக்கெட் இழப்பிற்கு 314 ரன்களைச் சேர்த்தது. இதையடுத்து இன்று தொடங்கிய இரண்டாம் நாள் ஆடடத்தை மார்கோ ஜான்சென் 17 ரன்களுடனும், ஜெரால்ட் கோட்ஸி 11 ரன்களுடனும் தொடர்ந்தனர். 

இதில் ஜான்சென் 23 ரன்களிலும், கோட்ஸி 17 ரன்களிலும் ஆட்டமிழக்க தென் ஆப்பிரிக்க அணி 342 ரன்களில் அனைத்து விக்கெட்டுகளையும் இழந்து முதல் இன்னிங்ஸை முடித்தது. வெஸ்ட் இண்டிஸ் தரப்பில் சிறப்பாக பந்துவீசிய அல்ஸாரி ஜோசப் 5 விக்கெட்டுகளைக் கைப்பற்றினார். 

இதையடுத்து முதல் இன்னிங்ஸைத் தொடங்கிய வெஸ்ட் இண்டீஸ் அணியில் தொடக்க வீரர்கள் கேப்டன் பிராத்வைத் 11 ரன்களிலும், சந்தர்பால் 22 ரன்களிலும் ஆட்டமிழந்தனர். பின்னர் ஜோடி சேர்ந்த ரெய்ஃபெர் - பிளாக்வுட் இணை சிறப்பான ஆட்டத்தை வெளிப்படுத்தி ஸ்கோரை உயர்த்தினர். இதில் ரெய்ஃபர் அரைசதம் கடந்தார். 

அதன்பின் 37 ரன்களில் பிளாக்வுட் ஆட்டமிழக்க, 62 ரன்களில் ரெய்ஃபரும் விக்கெட்டை இழந்தார். அதன்பின் வந்த வீரர்களும் அடுத்தடுத்து சொற்ப ரன்களில் பெவிலியன் திரும்ப வெஸ்ட் இண்டீஸ் அணி முதல் இன்னிங்ஸில் 212 ரன்களுக்கு ஆல் அவுட்டானது. தென் ஆப்பிரிக்க தரப்பில் ஆன்ரிச் நோர்ட்ஜே 5 விக்கெட்டுகளையும், ரபாடா, கோட்ஸி தலா 2 விக்கெட்டுகளையும் கைப்பற்றினர். 

இதையடுத்து கடைசி ஷெசனில் இரண்டாவது இன்னிங்ஸைத் தொடங்கிய தென் ஆப்பிரிக்க அணியில் ஐடன் மார்க்ரம் ஒருமுனையில் சிறப்பான ஆட்டத்தை வெளிப்படுத்தி வர மறுமுனையில் களமிறங்கிய டீன் எல்கர், ஸொர்ஸி, டெம்பா பவுமா, கீகன் பீட்டர்சென் ஆகியோர் அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர். 

இதனால் இரண்டாம் நாள் ஆட்டநேர முடிவில் தென் ஆப்பிரிக்க அணி 49 ரன்களுக்கு 4 விக்கெட்டுகளை இழந்துள்ளது. இதில் ஐடன் மார்க்ரம் 35 ரன்களுடன் களத்தில் உள்ளார். வெஸ்ட் இண்டீஸ் தரப்பில் அல்ஸாரி ஜோசப் 3 விக்கெட்டுகளைக் கைப்பற்றியுள்ளார். இதையடுத்து 179 ரன்கள் முன்னிலையுடன் தென் ஆப்பிரிக்க அணி நாளை மூன்றாம் நாள் ஆட்டத்தை தொடரவுள்ளது.

Win Big, Make Your Cricket Tales Now