WI vs ENG, 2nd Test: பிராத்வெயிட், பிளாக்வுட் சதம்; வலுவான நிலையில் விண்டீஸ்!

இங்கிலாந்துக்கு எதிரான இரண்டாவது டெஸ்ட் போட்டியின் மூன்றாம் நாள் ஆட்டநேர முடிவில் வெஸ்ட் இண்டீஸ் அணி 4 விக்கெட் இழப்பிற்கு 288 ரன்களைச் சேர்த்துள்ளது.

வெஸ்ட் இண்டீஸ் - இங்கிலாந்து அணிகளுக்கு இடையேயான 2அஆவது டெஸ்ட் கிங்ஸ்டன் ஓவல் மைதானத்தில் நடைபெற்று வரூகிறது. இதில் டாஸ் வென்ற இங்கிலாந்து அணி முதலில் பேட்டிங்கை தேர்வுசெய்தது.

அதன்படி களமிறங்கிய இங்கிலாந்து அணி, கேப்டன் ஜோ ரூட்டின் 153 ரன்கள் குவித்தார். அவருடன் ஜோடி சேர்ந்த லாரன்ஸ்சின் 91 ரன்கள் மற்றும் பென் ஸ்டோக்ஸ்சின் அதிரடி சதம் ஆகியோரின் பங்களிப்பில் 150.5 ஓவர்களில் 9 விக்கெட் இழப்பிற்கு 507 ரன்கள் குவித்த நிலையில், டிக்ளேர் செய்வதாக அறிவித்தது. 

இதையடுத்து வெஸ்ட் இண்டீஸ் அணி விளையாடியது. அதன்படி களமிறங்கிய வெஸ்ட் இண்டீஸ் அணியில் ஜான் கேம்பல், ஷமாரா ப்ரூக்ஸ், நக்ருமா போனர், ஆகியோர் சொற்ப ரன்களில் ஆட்டமிழந்து வெளியேறினர்.

பின்னர் ஜோடி சேர்ந்த கேப்டன் பிராத்வெயிட் - ஜெர்மைன் பிளாக்வுட் இணை அபாரமாக விளையாடி சதமடித்து அசத்தினர். அதன்பின் பிளாக்வுட் 102 ரன்களில் ஆட்டமிழந்தார்.

இதன்மூலம் அந்த அணி மூன்றாம் நாள் ஆட்டநேர முடிவில் 4 விக்கெட் இழப்பிற்கு 288 ரன்கள் எடுத்துள்ளது. வெஸ்ட் இண்டீஸ் அணி தரப்பில் கேப்டன் பிராத்வெயிட் 109 ரன்களுடனும், அல்சாரி ஜோசப் 4 ரன்களுடனும் களத்தில் உள்ளனர்.

Win Big, Make Your Cricket Tales Now