இந்திய வெள்ளைப்பந்து அணிக்கு குறிப்பாக ஒருநாள் கிரிக்கெட் அணிக்கு நான்காவது இடத்தில் விளையாடுவதற்கான பேட்ஸ்மேன் மற்றும் பேக்கப் விக்கெட் கீப்பர் இந்த இரண்டும் தற்போது தேடலில் இருக்கிறது. இதுபோலவே இந்திய அணிக்கு இன்னொரு பிரச்சனையும் இருந்து வருகிறது. அது என்னவென்றால் பேட்டிங் வரிசையில் எட்டாம் இடத்தில் விளையாடக்கூடிய அளவுக்கான மூன்றாவது வேகப்பந்துவீச்சாளர் தேவைப்படுகிறார்.
தற்போது ஹர்திக் பாண்டியா ஒரு வேகப்பந்துவீச்சு ஆல்ரவுண்டராக அணியில் இருந்தாலும் கூட, மூன்றாவது வேகப்பந்துவீச்சாளராக எட்டாம் இடத்தில் பேட்டிங் செய்யக்கூடியவராக ஒரு வேகப்பந்துவீச்சாளர் தேவைப்படுகிறார். அந்த இடத்திற்கு வலது கை வேகப் பந்துவீச்சாளர் சர்துல் தாக்கூர் தற்பொழுது பொருத்தமானவராக காணப்படுகிறார்.
சர்துல் தாக்கூர் பந்துவீச்சில் ரன்கள் கொஞ்சம் கசிந்தாலும் கூட, எதிர்பாராத நேரத்தில் சிறப்பாக விளையாடிக் கொண்டிருக்கும் பேட்ஸ்மேன்களை வீழ்த்தி அணிக்கு ஆட்டத்தில் மிகப்பெரிய திருப்புமுனையை உண்டாக்கக் கூடியவராக இருக்கிறார். இதை அவர் தொடர்ச்சியாக செய்து கொண்டே இருக்கிறார்.
