WIW vs PAKW: டெய்லர் ஹாட்ரிக்கில் பகிஸ்தானை ஒயிட்வாஷ் செய்த விண்டீஸ்!

பாகிஸ்தான் அணிக்கெதிரான மூன்றாவது டி20 போட்டியில் வெஸ்ட் இண்டீஸ் மகளிர் அணி 6 விக்கெட் வித்தியாசத்தில் வெற்றி பெற்று, 3-0 என்ற கணக்கில் தொடரைக் கைப்பற்றியது.

பாகிஸ்தான் மகளிர் அணி வெஸ்ட் இண்டீஸில் சுற்றுப்பயணம் செய்து, 3 போட்டிகள் கொண்ட டி20 மற்றும் ஒருநாள் தொடர்களில் விளையாடி வருகிறது. 

இதில் நேற்று நடைபெற்ற மூன்றாவது டி20 போட்டியில் டாஸ் வென்ற பாகிஸ்தான் மகளிர் அணி முதலில் பேட்டிங் மூடிவெடுத்தது. 

அதன்படி இன்னிங்ஸைத் தொடங்கிய பாகிஸ்தான் அணி அடுத்தடுத்து சொற்ப ரன்களில் ஆட்டமிழந்து ஏமாற்றமளித்தது. அதிலும் வெஸ்ட் இண்டீஸ் கேப்டன் ஸ்டாஃபனி டெய்லர் ஹாட்ரிக் விக்கெட்டுகளைக் கைப்பற்றியும் அசத்தினார். 

இதனால் பாகிஸ்தன் மகளிர் அணி 19.4 ஓவர்களில் 102 ரன்களுக்கு அனைத்து விக்கெட்டுகளையும் இழந்தது. வெஸ்ட் இண்டீஸை தரப்பில் கேப்டன் டெய்லர் 4 விக்கெட்டுகளைக் கைப்பற்றினார். 

இதையடுத்து எளிய இலக்கை நோக்கி களமிறங்கிய வெஸ்ட் இண்டீஸ் மகளிர் அணிக்கு பேட்டிங்கிலும் ஸ்டாஃபனி டெய்லர் அடிரடியான ஆட்டத்தை வெளிப்படுத்தி அசத்தினார். 

இதன்மூலம் 19.1 ஓவர்களிலேயே வெஸ்ட் இண்டீஸ் அணி இலக்கை எட்டி, 6 விக்கெட்டு வித்தியாசத்தில் வெற்றி பெற்றது. அதே போல் மூன்று போட்டிகள் கொண்ட டி20 தொடரை 3-0  என்ற கணக்கில் கைப்பற்றி பாகிஸ்தானை ஒயிட்வாஷ் செய்தது.