மகளிர் ஆஷஸ்: 205 ரன்னில் சுருண்ட ஆஸி; இங்கிலாந்து அபாரம்!

மகளிர் ஆஷஸ்: இங்கிலாந்துக்கு எதிரான முதல் ஒருநாள் போட்டியில் முதலில் விளையாடிய ஆஸ்திரேலிய அணி 206 ரன்களை இலக்காக நிர்ணயித்துள்ளது.

Women's Ashes: Australia finish with 205 (Image Source: Google)

ஆஸ்திரேலியா - இங்கிலாந்து மகளிர் அணிகளுக்கு இடையேயான மகளிர் ஆஷஸ் தொடர் விறுவிறுப்பாக நடைபெற்று வருகிறது. இதில் ஏற்கெனெவே டி20, டெஸ்ட் தொடர் நிறைவடைந்துள்ள நிலையில் ஒருநாள் தொடர் இன்று ஆரம்பம் ஆனது. 

அதன்படி கான்பெர்ராவில் தொடங்கிய இப்போட்டியில் டாஸ் வென்ற இங்கிலாந்து மகளிர் அணி முதலில் பந்துவீச தீர்மானித்தது.

அதன்படி களமிறங்கிய ஆஸ்திரேலிய அணியின் ரேச்சல் ஹெய்னஸ் 4 ரன்னிலும், அலிசா ஹீலி 27, மெக் லெனிங் 28, எல்லிஸ் பெர்ரி 0 என விக்கெட்டுகளை இழந்து ஏமாற்றமளித்தனர். 

அடுத்து களமிறங்கிய பெத் மூனி பொறுப்பான ஆட்டத்தை வெளிப்படுத்தி அரைசதம் கடந்தனார். அதன்பின் 73 ரன்களில் அவரும் ஆட்டமிழக்க, அடுத்து களமிறங்கியவர்களும் சோபிக்க தவறினர். 

இதனால் 50 ஓவர்கள் முடிவில் ஆஸ்திரேலிய மகளிர் அணி 9 விக்கெட்டுகளை இழந்து 205 ரன்களைச் சேர்த்தது. இங்கிலாந்து தரப்பில் கேத்ரின் பிரண்ட், கேட் கிராஸ் தலா 3 விக்கெட்டுகளைக் கைப்பற்றினர். 

Win Big, Make Your Cricket Tales Now