ZIM vs BAN, 2nd ODI: தமிம், மஹ்முதுல்லா அரைசதம்; ஜிம்பாப்வேவுக்கு 291 டார்கெட்!
ஜிம்பாப்வேவுக்கு எதிரான இரண்டாவது ஒருநாள் போட்டியில் முதலில் பேட்டிங் செய்த வங்கதேச அணி 291 ரன்களை இலக்காக நிர்ணயித்துள்ளது.
இதையடுத்து நடைபெற்ற முதல் ஒருநாள் போட்டியிலும் ஜிம்பாப்வே அணி வெற்றிபெற்று 1-0 என்ற கணக்கில் தொடரில் முன்னிலைப் பெற்றுள்ளது. இந்நிலையில் இரு அணிகளுக்கு இடையேயான இரண்டாவது ஒருநாள் போட்டி இன்று ஹராரேவில் நடைபெற்று வருகிறது. இப்போட்டியில் டாஸ் வென்ற ஜிம்பாப்வே அணி முதலில் பந்துவீச தீர்மானித்து களமிறங்கியது.
Trending
அதன்படி முதலில் ஆடிய வங்கதேச அணிக்கு கேப்டன் தமிம் இக்பால் அதிரடியான தொடக்கத்தைக் கொடுத்தார். ஆனால் மறுமுனையிலிருந்த அனமுல் ஹக் 20 ரன்களில் நடையைக் கட்ட, தமிம் இக்பால் தனது அரைசதத்தைப் பதிவுசெய்த கையோடு விக்கெட்டை இழந்தார்.
அதன்பின் வந்த நஜ்முல் ஹொசைன் 38 ரன்களிலும், முஷ்பிக்கூர் ரஹிம் 25 ரன்களிலும் ஆட்டமிழந்தனர். பின்னர் ஜோடி சேர்ந்த மஹ்முதுல்லா -ஆஃபிஃப் ஹொசைன் இணை சிறப்பான ஆட்டத்தை வெளிப்படுத்தி ஸ்கோரை உயர்த்தினர்.
இதில் அஃபிஃப் ஹொசைன் 41 ரன்களில் ஆட்டமிழக்க, மறுமுனையிலிருந்த மஹ்முதுல்ல அரைசதம் கடந்ததுடன், இறுதிவரை ஆட்டமிழக்காமல் இருந்து 80 ரன்களைச் சேர்த்தார்.
இதன்மூலம் 50 ஓவர்கள் முடிவில் வங்கதேச அணி 9 விக்கெட்டுகள் இழப்பிற்கு 290 ரன்களைச் சேர்த்துள்ளது. ஜிம்பாப்வே அணி தரப்பில் சிக்கந்தர் ரஸா 3 விக்கெட்டுகளைக் கைப்பற்றினார்.
Win Big, Make Your Cricket Tales Now
