ZIM vs BAN, 2nd ODI: ஜிம்பாப்வேவை 240 ரன்களில் சுருட்டிய வங்கதேசம்!

வங்கதேச அணிக்கெதிரான இரண்டாவது ஒருநாள் போட்டியில் முதலில் பேட்டிங் செய்த ஜிம்பாப்வே அணி 241 ரன்களை இலக்காக நிணயித்துள்ளது.

ZIM vs BAN, 2nd ODI: Zimbabwe end with 240 (Image Source: Google)

ஜிம்பாப்வே - வங்கதேச அணிகளுக்கு இடையேயான இரண்டாவது ஒருநாள் போட்டி ஹராரேவில் இன்று நடைபெற்று வருகிறது. இதில் டாஸ் வென்ற ஜிம்பாப்வே அணி முதலில் பேட்டிங் செய்ய தீர்மானித்தது. 

அதன்படி களமிறங்கிய ஜிம்பாப்வே அணியில் டினாஷே கமுன்ஹுகாம்வே, மருமணி, சகாப்வா ஆகியோர் அடுத்தடுத்து சொற்ப ரன்களில் ஆட்டமிழந்து பெவிலியன் திரும்பினர். 

அதன்பின் ஜோடி சேர்ந்த பிராண்டன் டெய்லர் - டியான் மேயர்ஸ் இணை நிதான ஆட்டத்தை வெளிப்படுத்தி அணியின் ஸ்கோரை மெல்லமெல்ல உயர்த்தியது. அதன்பின் மியர்ஸ் 34 ரன்களில் ஆட்டமிழக்க, மறுமுனையில் அரைசதம் கடப்பார் என எதிர்பார்க்கப்பட்ட பிராண்டன் டெய்லரும் 46 ரன்களில் ஆட்டமிழந்து வெளியேறினார். 

இதைத்தொடர்ந்து ஜோடி சேர்ந்த சிக்கந்தர் ராசா -வெஸ்லி மாதேவெர் இணையும் சிறப்பான ஆட்டத்தை வெளிப்படுத்தி ஸ்கோரை உயர்த்தியது. இதில் மாதேவெர் அரைசதம் கடந்து அசத்தினார். 

பின்னர் ரஸா 30 ரன்களிலும், மாதேவெர் 56 ரன்களிலும் ஆட்டமிழந்தனர். இதனால் 50 ஓவர்கள் முடிவில் ஜிம்பாப்வே அணி 9 விக்கெட்டுகளை இழந்து 240 ரன்களைச் சேர்த்தது. வங்கதேச அணி தரப்பில் ஷரிஃபுல் இஸ்லாம் 4 விக்கெட்டுகளைக் கைப்பற்றினார். 

Win Big, Make Your Cricket Tales Now