இங்கிலாந்து அணி தற்போது ஆஸ்திரேலியாவில் சுற்றுப்பயணம் மேற்கொண்டு மூன்று போட்டிகள் கொண்ட ஒருநாள் தொடரில் விளையாடுகிறது. இதில் இரு அணிகளுக்கும் இடையேயான முதலிரண்டு ஒருநாள் போட்டியிலும் ஆஸ்திரேலிய அணி அபார வெற்றிபெற்று தொடரை வென்றுள்ளது.

இந்நிலையில் இரு அணிகளுக்கும் இடையேயான மூன்றாவது மற்றும் கடைசி ஒருநாள் போட்டி நவம்பர் 22ஆம் தேதி மெல்போர்ன் கிரிக்கெட் மைதானத்தில் நடைபெறுகிறது. இங்கிலாந்து அணி ஏற்கெனவே தொடரை இழந்துள்ளதால் ஆறுதல் வெற்றியையாவது பதிவுசெய்ய முனையும் என எதிர்பார்க்கப்படுகிறது.

அதன்படி இப்போட்டியில் டாஸ் வென்ற இங்கிலாந்து அணியின் கேப்டன் ஜோஸ் பட்லர் முதலில் பந்துவீச்சை தேர்வு செய்துள்ளது. மேலும் இப்போட்டிக்கான இரு அணிகளிலும் கேப்டன்கள் பங்கேற்கின்றனர். 

இங்கிலாந்து: ஜேசன் ராய், பிலிப் சால்ட், டேவிட் மாலன், ஜேம்ஸ் வின்ஸ், சாம் பில்லிங்ஸ், ஜோஸ் பட்லர்(கே), கிறிஸ் வோக்ஸ், சாம் கர்ரன், லியாம் டாசன், டேவிட் வில்லி, ஆலி ஸ்டோன்

ஆஸ்திரேலியா: டேவிட் வார்னர், டிராவிஸ் ஹெட், ஸ்டீவன் ஸ்மித், மார்னஸ் லாபுசாக்னே, அலெக்ஸ் கேரி, மிட்செல் மார்ஷ், மார்கஸ் ஸ்டோனிஸ், சீன் அபோட், பாட் கம்மின்ஸ் (கே), ஆடம் ஜம்பா, ஜோஷ் ஹேசில்வுட்