ஐசிசியின் எட்டாவது டி20 உலகக்கோப்பை தொடர் ஆஸ்திரேலியாவில் வெற்றிகரமாக நடந்து முடிந்தது. இதில் கடந்தாண்டு சாம்பியனான ஆஸ்திரேலிய அணி இந்த சீசனில் லீக் சுற்றுகளோடு வெளியேறியது. அதேசமயம் ஜோஸ் பட்லர் தலைமையிலான இங்கிலாந்து அணி இரண்டாவது முறையாக சாம்பியன் பட்டத்தை வென்று அசத்தியுள்ளது. 

இந்நிலையில் இங்கிலாந்து அணி தற்போது ஆஸ்திரேலியாவில் சுற்றுப்பயணம் மேற்கொண்டு மூன்று போட்டிகள் கொண்ட ஒருநாள் தொடரில் விளையாடுகிறது. இதில் இரு அணிகளுக்கும் இடையேயான முதல் ஒருநாள் போட்டியில் அடிலெய்டில் உள்ள ஓவல் கிரிக்கெட் மைதானத்தில் இன்று நடைபெறுகிறது. 

இப்போட்டிக்கான ஆஸ்திரேலிய அணி முதல் முறையாக பாட் கம்மின்ஸ் தலைமையில் களமிறங்குகிறது. அதன்படி தான் கேப்டனாக பொறுப்பு வகிக்கும் முதல் ஒருநாள் போட்டியிலேயே டாஸ் வென்றுள்ள ஆஸ்திரேலிய அணியின் கேப்டன் பாட் கம்மின்ஸ் முதலில் பந்துவீசுவதாக தீர்மானித்துள்ளது.

ஆஸ்திரேலியா: டேவிட் வார்னர், டிராவிஸ் ஹெட், ஸ்டீவன் ஸ்மித், மார்னஸ் லாபுசாக்னே, அலெக்ஸ் கேரி, மார்கஸ் ஸ்டோனிஸ், கேமரூன் கிரீன், ஆஷ்டன் அகர், பாட் கம்மின்ஸ் (கே), மிட்செல் ஸ்டார்க், ஆடம் ஜாம்பா.

இங்கிலாந்து: ஜேசன் ராய், பிலிப் சால்ட், டேவிட் மாலன், ஜேம்ஸ் வின்ஸ், சாம் பில்லிங்ஸ், ஜோஸ் பட்லர்(கே), லியாம் டாசன், கிறிஸ் ஜோர்டான், டேவிட் வில்லி, லூக் வூட், ஒல்லி ஸ்டோன்.