தென் ஆப்பிரிக்காவில் நடைபெற்றுவரும் எட்டாவது சீசன் மகளிர் டி20 உலகக்கோப்பை கிரிக்கெட் இறுதி கட்டத்தை எட்டியுள்ளது. இதில் இன்று நடைபெறும் இறுதிப்போட்டியில் தென் ஆப்பிரிக்க அணி, ஆஸ்திரேலிய மகளிர் அணியை எதிர்கொள்கிறது. 

அதன்படி கேப்டவுனில் உள்ள நியூலேண்ட்ஸில் நடைபெறும் இப்போட்டியில் டாஸ் வென்றுள்ள ஆஸ்திரேலிய மகளிர் அணி முதலில் பேட்டிங் செய்ய தீர்மானித்துள்ளது. இரு அணியும் அபார ஆட்டத்தை வெளிப்படுத்தியுள்ளதால் இப்போட்டியின் மீதான எதிர்பார்ப்புகளும் அதிகரித்துள்ளது. 

தென் ஆப்பிரிக்கா மகளிர்: லாரா வோல்வார்ட், டாஸ்மின் பிரிட்ஸ், மரிசான் கேப், க்ளோ ட்ரையோன், நாடின் டி க்ளெர்க், சுனே லூஸ்(கே), அன்னேக் போஷ், சினாலோ ஜஃப்டா, ஷப்னைம் இஸ்மாயில், அயபோங்கா காக்கா, நோன்குலுலேகோ மலாபா.

ஆஸ்திரேலியா மகளிர்: அலிசா ஹீலி, பெத் மூனி, மெக் லானிங்(கே), ஆஷ்லே கார்ட்னர், கிரேஸ் ஹாரிஸ், எலிஸ் பெர்ரி, தஹ்லியா மெக்ராத், ஜார்ஜியா வேர்ஹாம், ஜெஸ் ஜோனாசென், மேகன் ஷட், டார்சி பிரவுன்.