தென் ஆப்பிரிக்காவில் நடைபெற்றுவரும் எட்டாவது சீசன் மகளிர் டி20 உலகக்கோப்பை கிரிக்கெட் விறுவிறுப்பான கட்டத்தை எட்டியுள்ளது. இதில் இன்று நடைபெறும் முதலாவது அரையிறுதிப்போட்டியில் இந்திய அணி, ஆஸ்திரேலிய மகளிர் அணியை எதிர்கொள்கிறது. 

அதன்படி கேப்டவுனில் உள்ள நியூலேண்ட்ஸில் நடைபெறும் இப்போட்டியில் டாஸ் வென்றுள்ள ஆஸ்திரேலிய மகளிர் அணி முதலில் பேட்டிங் செய்ய தீர்மானித்துள்ளது. இன்றைய போட்டியில் விளையாடுவாரா என்று எதிர்பார்க்கப்பட்ட இந்திய அணி கேப்டன் ஹர்மன்ப்ரீத் கௌர் இப்போட்டியில் விளையாடுகிறார்.

இந்திய மகளிர் அணி: ஷஃபாலி வர்மா, ஸ்மிருதி மந்தனா, ஜெமிமா ரோட்ரிக்ஸ், ஹர்மன்ப்ரீத் கவுர்(கே), ரிச்சா கோஷ், தீப்தி சர்மா, யாஸ்திகா பாட்டியா, சினே ராணா, ஷிகா பாண்டே, ராதா யாதவ், ரேணுகா தாக்கூர் சிங்.

ஆஸ்திரேலியா மகளிர் அணி: அலிசா ஹீலி, பெத் மூனி, மெக் லானிங்(கே), ஆஷ்லே கார்ட்னர், எல்லிஸ் பெர்ரி, தஹ்லியா மெக்ராத், கிரேஸ் ஹாரிஸ், ஜார்ஜியா வேர்ஹாம், ஜெஸ் ஜோனாசென், மேகன் ஷட், டார்சி பிரவுன்.