வளர்ந்து வரும் வீரர்களுக்கான ஆசிய கோப்பை கிரிக்கெட் தொடர் தற்போது இலங்கையில் நடைபெற்று வருகிறது. இதில் அடுத்த தலைமுறை நட்சத்திர வீரர்கள் பங்கேற்று தங்களது திறமையை வெளிப்படுத்தி வருகிறார்கள். இந்த நிலையில் இந்த தொடரின் மிகப்பெரிய போட்டியாக கருதப்படும் இந்தியா ஏ மற்றும் பாகிஸ்தான் ஏ அணிகளான ஆட்டம் இன்று கொழும்புவில் நடைபெறுகிறது.
இப்போட்டியில் டாஸ் வென்றுள்ள பாகிஸ்தான் ஏ அணி முதலில் பேட்டிங் செய்வதாக அறிவித்துள்ளது. இரு அணியிலும் அதிரடி வீரர்கள் இருப்பதால் இப்போட்டியின் மீதான எதிர்பார்ப்புகள் அதிகரித்துள்ளன.
இந்தியா ஏ: சாய் சுதர்சன், அபிஷேக் சர்மா, நிகின் ஜோஸ், யாஷ் துல்(கே), ரியான் பராக், நிஷாந்த் சிந்து, துருவ் ஜூரல், மானவ் சுதர், ஹர்ஷித் ராணா, நிதிஷ் ரெட்டி, ஆர்எஸ் ஹங்கர்கேகர்.
பாகிஸ்தான் ஏ: சைம் அயூப்(கே), ஹசீபுல்லா கான், முகமது ஹாரிஸ், கம்ரான் குலாம், சாஹிப்சாதா ஃபர்ஹான், உமைர் யூசுப், காசிம் அக்ரம், முபாசிர் கான், மெஹ்ரான் மும்தாஜ், முகமது வாசிம் ஜூனியர், ஷாநவாஸ் தஹானி.
