மகளிர் பிரீமியர் லீக் (டபிள்யூபிஎல்) தொடரின் இரண்டாவது சீசன் நாளுக்கு நாள் ரசிகர்களின் எதிர்பார்ப்பை அதிகரித்து வருகிறது. இத்தொடரில் நாளை நடைபெறும் 10ஆவது லீக் போட்டியில் பெத் மூனி தலைமையிலான குஜராத் ஜெயண்ட்ஸ் அணியை எதிர்த்து, மெக் லெனிங் தலைமையிலான டெல்லி கேப்பிட்டல்ஸ் அணி பலபப்ரீட்சை நடத்துகிறது. இந்த சீசனில் டேல்லி கேப்பிட்டல்ஸ் அணி விளையாடிய முதல் போட்டியில் அதிர்ச்சி தோல்வியைத் தழுவினாலும், அதன்பின் நடைபெற்ற போட்டிகளில் வெற்றியை ஈட்டி மீண்டும் கம்பேக் கொடுத்துள்ளது. அதேசமயம் குஜராத் ஜெயண்ட்ஸ் அணி விளையாடிய மூன்று போட்டிகளிலும் தோல்வியைத் தழுவியுள்ளது. இதனால் தங்களது முதல் வெற்றியைப் பதிவுசெய்ய குஜராத் அணி போராடும் என்பதால் இப்போட்டியில் விறுவிறுப்புக்கு பஞ்சமிருக்காது என எதிர்பார்க்கப்படுகிறது.