இந்தியா - இலங்கை அணிகளுக்கு இடையேயான இரண்டாவது டெஸ்ட் போட்டி பெங்களூருவிலுள்ள எம்.சின்னஸ்வாமி கிரிக்கெட் மைதானத்தில் பகலிரவு ஆட்டமாக இன்று நடைபெறுகிறது.
இப்போட்டியில் டாஸ் வென்ற இந்திய அணி கேப்டன் ரோஹித் சர்மா முதலில் பேட்டிங் செய்வதாக அறிவித்துள்ளார்.
இப்போட்டிக்கான இந்திய அணியில் ஜெயந்த் யாதவ் நீக்கப்பட்டு, அக்ஸர் படேல் அணியில் சேர்க்கப்பட்டுள்ளார். அதேபோல் இலங்கை அணியில் நிஷங்கா, லஹிரு குமாரா ஆகியோருக்கு பதிலாக குசால் மெண்டிஸ், பிரவீன் ஜெயவிக்ரமா சேர்க்கப்பட்டுள்ளார்.
இந்தியா: மயங்க் அகர்வால், ரோஹித் சர்மா(கே), ஹனுமா விஹாரி, விராட் கோலி, ரிஷப் பந்த், ஸ்ரேயாஸ் ஐயர், ரவீந்திர ஜடேஜா, ரவிச்சந்திரன் அஷ்வின், அக்சர் படேல், முகமது ஷமி, ஜஸ்பிரித் பும்ரா.
இலங்கை: திமுத் கருணாரத்னே (கே), லஹிரு திரிமான்னே, குசல் மெண்டிஸ், ஏஞ்சலோ மேத்யூஸ், தனஞ்சய டி சில்வா, சரித் அசலங்கா, நிரோஷன் டிக்வெல்லா, சுரங்க லக்மால், லசித் எம்புல்தெனிய, விஷ்வா பெர்னாண்டோ, பிரவீன் ஜெயவிக்ரம.
