பாகிஸ்தானில் சுற்றுப்பயணம் செய்துவரும் ஆஸ்திரேலிய அணி தற்போது 3 போட்டிகள் கொண்ட டெஸ்ட் தொடரில் விளையாடி வருகிறது. 

இதில் ராவல்பிண்டியில் நடைபெற்ற முதல் டெஸ்ட் போட்டி டிராவில் முடிந்த நிலையில், நாளை கராச்சியில் இரு அணிகளுக்கும் இடையேயான இரண்டாவது டெஸ்ட் போட்டி இன்று தொடங்கியது. 

இப்போட்டியில் டாஸ் வென்றுள்ள ஆஸ்திரேலிய அணி முதலில் பேட்டிங் செய்வதாக அறிவித்துள்ளது. 

மேலும் இன்றைய போட்டிக்கான ஆஸ்திரேலிய அணியில் ஜோஷ் ஹசில்வுட்டிற்கு ஓய்வளிக்கப்பட்டு மிட்செல் ஸ்வப்சன் அனியில் சேர்க்கப்பட்டுள்ளார். அதேபோல் பாகிஸ்தான் அணியில் இஃப்திகார் அஹ்மத், நஷீம் ஷா நீக்கப்பட்டு ஹசன் அலி, ஃபஹீம் அஷ்ரஃப் ஆகியோர் சேர்க்கப்பட்டுள்ளனர். 

பாகிஸ்தான்: அப்துல்லா ஷஃபீக், இமாம் உல் ஹக், அசார் அலி, பாபர் அசாம்(கே), ஃபவாத் ஆலம், முகமது ரிஸ்வான், ஃபஹீம் அஷ்ரஃப், ஹசன் அலி, நௌமன் அலி, ஷஹீன் அஃப்ரிடி, சஜித் கான்

ஆஸ்திரேலியா: டேவிட் வார்னர், உஸ்மான் கவாஜா, மார்னஸ் லாபுசாக்னே, ஸ்டீவன் ஸ்மித், டிராவிஸ் ஹெட், கேமரூன் கிரீன், அலெக்ஸ் கேரி, பாட் கம்மின்ஸ்(கே), மிட்செல் ஸ்டார்க், நாதன் லையன், மிட்செல் ஸ்வெப்சன்.