உலகக் கோப்பை தொடருக்கு முன்னதாக ஆஸ்திரேலிய அணி இந்தியாவில் சுற்றுப்பயணம் மேற்கொண்டு 3 போட்டிகள் அடங்கிய ஒருநாள் கிரிக்கெட் தொடரில் விளையாடுகிறது. 

இதையடுத்து இரு அணிகளுக்கும் இடையேயான முதலாவது ஒருநாள் போட்டி இன்று மொஹாலியில் நடைபெறுகிறது. இப்போட்டியில் டாஸ் வென்றுள்ள இந்திய அணி கேப்டன் கேஎல் ராகுல் முதலில் பந்துவீசுவதாக அறிவித்துள்ளார்.

இன்றைய போட்டிக்கான இந்திய அணியில் ருதுராஜ் கெய்க்வாட், சூர்யகுமார் யாதவ், ஸ்ரேயாஸ் ஐயர், ரவிச்சந்திரன் அஸ்வின், முகமது ஷமி ஆகியோர் அணிக்கு திரும்பியுள்ளனர். அதேபோல் ஆஸ்திரேலிய அணியிலும் காயத்திலிருந்து மீண்டுள்ள கேப்டன் பாட் கம்மின்ஸ், ஸ்டீவ் ஸ்மித் ஆகியோர் இடம்பிடித்துள்ளனர்.

இந்திய அணி: ஷுப்மான் கில், ருதுராஜ் கெய்க்வாட், ஸ்ரேயாஸ் ஐயர், கேஎல் ராகுல்(கே), இஷான் கிஷன், சூர்யகுமார் யாதவ், ரவீந்திர ஜடேஜா, ரவிச்சந்திரன் அஷ்வின், ஷர்துல் தாக்கூர், ஜஸ்பிரித் பும்ரா, முகமது ஷமி.

ஆஸ்திரேலிய அணி: டேவிட் வார்னர், மிட்செல் மார்ஷ், ஸ்டீவன் ஸ்மித், மார்னஸ் லாபுஷாக்னே, கேமரூன் கிரீன், ஜோஷ் இங்கிலிஸ், மார்கஸ் ஸ்டோய்னிஸ், மேத்யூ ஷார்ட், பாட் கம்மின்ஸ்(கே), சீன் அபோட், ஆடம் ஸாம்பா.