இந்தியா வந்துள்ள தென் ஆப்பிரிக்க அணி மூன்று போட்டிகள் கொண்ட ஒருநாள் மற்றும் டி20 தொடர்களில் விளையாடி வருகிறது. இதில் டி20 தொடரை 2-1 என்ற கணக்கில் இந்திய அணி கைப்பற்றியது.

இந்நிலையில் இரு அணிகளுக்கும் இடையேயான ஒருநாள் தொடர் இன்று முதல் தொடங்குகிறது. அதன்படி இரு அணிகளுக்கும் இடையேயான முதல் போட்டி லக்னோவில் நன்று நடைபெறுகிறது. 

லக்னோவில் கடந்த சில தினங்கள் மற்றும் இன்றும் மழை பெய்த காரணத்தால் ஆட்டம் தொடங்குவது தாமதமானது. அதன்பின் ஆட்டத்தை 40 ஓவர்கள் கொண்ட போட்டியாக நடத்தப்படும் என அறிவிக்கப்பட்டுள்ளனர். 

இந்நிலையில் இப்போட்டியில் டாஸ் வென்றுள்ள இந்திய அணி கேப்டன் ஷிகர் தவான் முதலில் பந்துவீசுவதாக தீர்மானித்துள்ளார். மேலும் இன்றைய போட்டிக்கான இந்திய அணியில் ருதுராஜ் கெய்க்வாட் அறிமுக வீரராக சேர்க்கப்பட்டுள்ளார். 

தென் ஆப்பிரிக்கா: ஜென்மேன் மலான், குயின்டன் டி காக், டெம்பா பவுமா(கே), ஐடன் மார்க்ரம், ஹென்ரிச் கிளாசென், டேவிட் மில்லர், வெய்ன் பார்னெல், கேசவ் மகாராஜ், ககிசோ ரபாடா, லுங்கி இங்கிடி, தப்ரைஸ் ஷம்சி.

இந்தியா : ஷிகர் தவான்(கே), ஷுப்மான் கில், ருதுராஜ் கெய்க்வாட், ஸ்ரேயாஸ் ஐயர், இஷான் கிஷன், சஞ்சு சாம்சன், ஷர்துல் தாக்கூர், குல்தீப் யாதவ், ரவி பிஷ்னோய், முகமது சிராஜ், அவேஷ் கான்.