இந்தியாவில் சுற்றுப்பயணம் மேற்கொண்டுள்ள இலங்கை அணி மூன்று போட்டிகள் கொண்ட டி20 தொடர் மற்றும் இரண்டு போட்டிகள் கொண்ட டெஸ்ட் தொடரில் விளையாடவுள்ளது.

இதில் இரு அணிகளுக்கும் இடையேயான முதல் டி20 போட்டியான இன்று லக்னோவில் நடைபெறுகிறது. இப்போட்டியில் டாஸ் வென்றுள்ள இலங்கை அணி முதலில் பந்துவீச தீர்மானித்துள்ளது. 

இன்றைய போட்டிகான இந்திய அணியில் தீபக் ஹூடா சர்வதேச டி20 கிரிக்கெட்டில் அறிமுகமாகியுள்ளார். மேலும் ரவீந்திர ஜடேஜா, ஜஸ்ப்ரித் பும்ரா ஆகியோர் இன்றைய போட்டிக்கான இந்திய அணியில் இடம்பிடித்துள்ளனர். 

இன்றைய போட்டிக்கான இந்திய அணியில் ருதுராஜ் கெய்க்வாட் காயம் காரணமாக இடம்பெறவில்லை என்று ரோஹித் சர்மா தெரிவித்துள்ளார்.

இந்தியா: ரோஹித் சர்மா(கே), இஷான் கிஷன், ஷ்ரேயாஸ் ஐயர், சஞ்சு சாம்சன், தீபக் ஹூடா, ரவீந்திர ஜடேஜா, வெங்கடேஷ் ஐயர், ஹர்ஷல் படேல், புவனேஷ்வர் குமார், ஜஸ்பிரித் பும்ரா, யுஸ்வேந்திர சாஹல்.

இலங்கை: பதும் நிஷங்க, கமில் மிஷார, சரித் அசலங்கா, தினேஷ் சந்திமால், ஜனித் லியனகே, தசுன் ஷனக(கே), சாமிக்க கருணாரத்னே, ஜெப்ரி வான்டர்சே, பிரவீன் ஜெயவிக்ரம, துஷ்மந்த சமீரா, லஹிரு குமார.