இந்தியாவில் சுற்றுப்பயணம் மேற்கொண்டுள்ள இலங்கை அணி மூன்று போட்டிகள் கொண்ட டி20 தொடர் மற்றும் இரண்டு போட்டிகள் கொண்ட டெஸ்ட் தொடரில் விளையாடவுள்ளது.

இதில் இரு அணிகளுக்கும் இடையேயான முதல் டி20 போட்டியில் இந்திய அணி 62 ரன்கள் வித்தியாசத்தில் வெற்றிபெற்று டி20 தொடரில் 1-0 என்ற கணக்கில் முன்னிலைப் பெற்றுள்ளது.

இந்நிலையில் இரு அணிகளுக்கும் இடையேயான இரண்டாவது டி20 போட்டி தர்மசாலாவில் இன்று நடைபெறுகிறது. இப்போட்டியில் டாஸ் வென்ற இந்திய அணி முதலில் பந்துவீச தீர்மானித்துள்ளது. 

இன்றைய போட்டிக்கான இந்திய அணியில் எவ்விதமாற்றமும் செய்யப்படவில்லை. 

இலங்கை: பதும் நிஷங்க, கமில் மிஷார, சரித் அசலங்கா, தனுஷ்கா குணத்திலகா, தினேஷ் சந்திமால்,தசுன் ஷனக(கே), சாமிக்க கருணாரத்னே, பிரவீன் ஜெயவிக்ரம, பினுரா ஃபெர்ணாண்டோ, துஷ்மந்த சமீரா, லஹிரு குமார

இந்தியா: ரோஹித் சர்மா(கே), இஷான் கிஷன், ஷ்ரேயாஸ் ஐயர், சஞ்சு சாம்சன், தீபக் ஹூடா, ரவீந்திர ஜடேஜா, வெங்கடேஷ் ஐயர், ஹர்ஷல் படேல், புவனேஷ்வர் குமார், ஜஸ்பிரித் பும்ரா, யுஸ்வேந்திர சாஹல்.